Le Tala e Fai Atu e Uiga i Mekasini

Le Olomatamata Ianuari 1

“O le ā sou taofi, po o manatu mamafa mai le Atua i le faaleagaina o le siʻosiʻomaga? [Faatali mo se tali. Ona faitau lea o le Faaaliga 11:18.] O loo talanoaina i le mataupu lenei ia māfuaaga mai le Tusi Paia e tatou te vaai ai ma le mautinoa i le lumanaʻi o le lalolagi.” Faamatala le mataupu i le itulau e 18.

Ala Mai! Ianuari-Mati

“E aogā tele le Initaneti, ae e iai ona lamatiaga mo le fanau. O le ā sou manatu, e faapefea ona puipuia fanau mai i nei lamatiaga? [Faatali mo se tali.] Ia mātau mai le manatu lenei. [Faitau ma faatatau le Faataoto 18:1.] O se tasi lenei o mataupu silisili mai le Tusi Paia, o loo taʻua i le mataupu lenei e fesoasoani i mātua i le puipuia o le fanau.” Faamatala le mataupu i le itulau e 16.

Le Olomatamata Fepuari 1

“Pe e te manatu e talia e le Atua tapuaʻiga uma? [Faatali mo se tali.] Mātau mai le popolega o loo faaalia i inei e Iesu. [Faitau le Mataio 15:8, 9.] O loo talanoaina i le mataupu lenei pe talia e le Atua ituaiga tapuaʻiga uma.” Faamatala le mataupu i le itulau e 9.

Ala Mai! Ianuari-Mati

“E anoanoaʻi tofotofoga ua fesagaʻia e talavou i aso nei. E faapefea ona teena e talavou tofotofoga? [Faatali mo se tali.] Faamolemole mātau mai le manatu lenei. [Faitau ma faatatau le Faataoto 13:20.] O loo talanoaina i le mekasini lenei fautuaga e faavae i le Tusi Paia lea e fesoasoani i talavou e teena ai tofotofoga.” Faamatala le mataupu i le itulau e 24.