Le Tala e Fai Atu e Uiga i Mekasini

Le Olomatamata Mati 1

“E mafai ona avea o se luʻi le faia o le mea saʻo pe a uunaʻia i tatou e isi e fai se isi mea e ese. O le ā sou manatu, o le ā e fesoasoani iā i tatou e ʻalofia ai le lolo i ia omiga? [Faatali mo se tali. Ona faitau lea o le Faataoto 29:25.] O loo faamatilatila i le mataupu lenei māfuaaga e lima e ao ai ona tatou matataʻu e fai se mea e lē fiafia ai le Atua nai lo tagata.” Faamatilatila le mataupu lea e amata i le itulau e 12.

Ala Mai! Ianuari-Mati

“E faitau miliona tagata o loo faatāuaina tupua ma faatusa faalotu, e faapea o se fesoasoani i le faia o a latou tapuaʻiga. E iai sou silafia i le silasila a Lē na faia mea uma lava e faatatau i nei gaoioiga? [Faatali mo se tali.] Mātau mai le mea o fai mai ai le Tusi Paia. [Faitau ma faatatau le Ioane 4:24.] O loo fesoasoani mai le mataupu lenei iā i tatou ina ia tatou tapuaʻi i le Atua i le auala na te faafinagaloina.” Faamatilatila le mataupu lea e amata i le itulau e 10.

Le Olomatamata Aperila 1

“O le ā sou manatu i le fetalaiga lenei a Iesu. [Faitau le Ioane 3:3.] O le ā sou taofi i le uiga o le faaupuga toe fanau? [Faatali mo se tali.] O le iai o se malamalamaga saʻo i le fetalaiga lenei a Iesu, e mafai ona aafia ai lo tatou ola ma mea o tatou faatalitalia i le lumanaʻi. O loo faamatalaina i le mekasini lenei pe aiseā ua faapea ai.”

Ala Mai! Aperila-Iuni

“O le tele o vaituloto ma vaitafe i le lalolagi ua faasolo ina mātūtū, ma e faitau miliona foʻi tagata e latou te lē o maua ni vai mamā mo le taumafa. Pe e te manatu e mafai e tagata ona foʻia lenei faafitauli? [Faatali mo se tali. Ona faitau lea o le Ieremia 10:23.] O loo talanoaina i le mekasini lenei le vaifofō tumau o loo faamatala mai i le Tusi Paia.” Faamatilatila le mataupu o loo amata i le itulau e 3-9.