Le Tala e Fai Atu e Uiga i Mekasini

Le Olomatamata Iuni 1

“E talitonu le toʻatele, o lotu i le lalolagi o ni auala eseese e tau uma lava i le Atua e tasi. O le ā sou taofi? [Faatali mo se tali.] Mātau mai le mea o fai mai ai le Tusi Paia. [Faitau le Iosua 24:15.] O loo taʻua i le mataupu lenei ni māfuaaga malolosi e ao ai ona iloilo totoʻa e le tagata ia lava, po o taʻitaʻia i tatou e a tatou lotu i le Atua moni.” Faaali i ai le mataupu o loo amata i le itulau e 12.

Ala Mai! Aperila-Iuni

“O le tele o vaituloto ma vaitafe i le lalolagi ua faasolo ina mātūtū, ma e faitau miliona foʻi tagata e latou te lē o maua ni vai mamā mo le taumafa. Pe e te manatu e mafai e tagata ona foʻia lenei faafitauli? [Faatali mo se tali. Ona faitau lea o le Ieremia 10:23.] O loo talanoaina i le mekasini lenei le vaifofō tumau o loo faamatala mai i le Tusi Paia.”

Le Olomatamata Iulai 1

“E toʻatele tagata e iai a latou Tusi Paia ae e lē faigofie ona malamalama ai. Pe e faapena ou manatu i nisi taimi? [Faatali mo se tali.] E tusa ai o le mau lenei, e finagalo Lē e ana le Tusi Paia ia tatou malamalama ma maua aogā mai i lana Afioga tusia. [Faitau le Salamo 119:130.] O loo taʻua i le mekasini lenei fautuaga e tolu, lea e fesoasoani iā i tatou ia malamalama i le Tusi Paia.”

Ala Mai! Iulai-Setema

“Ona o lenei vaitaimi ua faalētonu le tulaga tau tamaoaiga, ua toʻatele tagata o loo popole ona ua lē lava le faasoa. O le ā sou finagalo? [Faatali mo se tali. Ona faitau lea o le 1 Timoteo 6:8, 10.] Ua saunia e lenei lomiga ni fautuaga aogā ina ia lelei le faasoaina o tupe.” Faamatilatila le mataupu o loo amata i le itulau e 21-22.