Pe E te Faaaogā le Pito i Tua o le Mekasini?

Pe a maua e se tagata se mekasini, e masani ona tilotilo muamua i le pito i luma, ona toe liliu lea ma faitau le pito i tua. I le itulau pito i tua o le Olomatamata mo le lautele, o loo iai fesili ma faamatalaga faaoso naunau, ma itulau e maua i ai faamatalaga faaopoopo.

E maua i le itulau lea ni manatu lelei e amata ai talanoaga i le talaʻiga. Afai e galueaʻiina soo le oganuu a o faagasolo le masina, ia faaaogā fesili eseese e fesuisuiaʻi ai a tatou taulimaga. Afai e pisi lē e ona le fale, faapuupuu le taulimaga i le faaali i ai o se fesili o loo i tua o le mekasini ma fai i ai, “Afai e te fia iloa le tali, e mafai ona tuu mo oe le mekasini, ae ta talanoa atili i se isi aso pe a e avanoa.” Atonu o nisi tagata talaʻi e mananaʻo e amata talanoaga i le faaali i lē e ona le fale le pito i tua o le mekasini ma fai i ai, e filifili po o lē fea fesili o fia malamalama i ai. Ona faasino lea i ai o le itulau e maua ai le tali ma faitau se mau ua uma ona sauni e faaaogā. Atonu e iai nisi auala e te faaaogā ai le pito i tua o le Olomatamata e faatupu ai le naunau o tagata.