Le Tala e Fai Atu e Uiga i Mekasini

Le Olomatamata Setema 1

“O nisi taimi e fai ai e tagata mea leaga ona o le maelega valea i le lotu. Faamata o le ā le pogai o le faasesēina o i latou? [Faatali mo se tali.] Ia mātau le faalaeiauga mai i le Tusi Paia. [Faitau le 1 Ioane 4:1.] O loo faamatala i lenei mataupu le tāua o le faatusatusa o o tatou talitonuga ma aʻoaʻoga a le Tusi Paia.” Talanoa i le mataupu o loo i le itulau e 10.

Ala Mai! Iulai-Setema

“Ua taatele i aso nei le teteʻa o ulugalii. A o leʻi filifili e teteʻa, pe faamata ua iloilo e ulugalii le tele o faafitauli o le a tulaʻi mai ai? [Faatali mo se tali. Ona faitau lea o le Faataoto 14:15.] O loo faamatala i lenei mekasini vala e fā e tatau ona iloilo e ulugalii, a o leʻi oo ina teteʻa.”

Le Olomatamata Oketopa 1

“I le lalolagi atoa, o loo taufai tatalo uma tagata mai i lotu eseese. Pe faamata e faafofoga ma tali mai le Atua i na tatalo? [Faatali mo se tali.] Ua faalaeiau mai le Tusi Paia, ia tatou tatalo. [Faitau le Filipi 4:6, 7.] O loo iai i lenei mekasini tali mai i le Tusi Paia o fesili e fitu e masani ona fesili ai tagata e uiga i le tatalo.”

Ala Mai! Oketopa-Tesema

“E toʻatele tagata e mananaʻo e tuu le ulaula, ae e faigatā. Pe e te iloa se isi o manaʻo e tuu? [Faatali mo se tali.] Ua iloa e nisi le aogā o le lagolagosua a aiga ma uō i a latou taumafaiga e tuu. [Faitau le Failauga 4:12a.] O loo maua i lenei mekasini fautuaga aogā e fesoasoani ia tuu ai le ulaula.”