O le ā le Tulaga o loo Iai?

O se fesili talafeagai lea e fesili ai e uiga i se lomiga o loo tatou fuafua e ofo. E so o se lomiga e masaesae ma palapalā, o le a taʻuvalea ai la tatou faalapotopotoga, ma aveesea ai le tāua ma le manaia o la tatou galuega, ma le feʻau faasaoola o loo iai i a tatou lomiga.

E faapefea ona faatumauina pea le mamā o a tatou lomiga? E masani ona tuufaatasi e le toʻatele tusi e tutusa lelei le lapopoʻa i a latou ato talaʻi. O se faaaʻoaʻoga, e iai le itu e tuu iai tusi, o le isi itu mo lomiga ma polosiua, ma se isi avanoa mo savali ma isi mea. Pe a māeʻa talanoaga taʻitasi, e latou te toe tuu ma le faaeteete a latou Tusi Paia ma ni lomiga i le mea tonu e tatau ona tuu iai, ina ia ʻalofia ai le faaleagaina. O nisi tagata talaʻi e latou te teuina a latou tusi i faila. Po o le ā lava le auala e faaaogā, ae e tatou te lē mananaʻo e manatu māmā tagata i la tatou galuega talaʻi, ona o le ofo atu i ai o lomiga masaesae.—2 Kori. 6:3.