Faasologa mo le Vaiaso iā Novema 28
VAIASO E AMATA IĀ NOVEMA 28
Pese 26 ma le Tatalo
□ Suʻesuʻega Faale-Tusi Paia a le Faapotopotoga:
cl mata. 14 ¶13-17 (25 minu.)
□ Aʻoga o le Faiva Faatiokarate:
Faitau Tusi Paia: O le Pese a Solomona 1-8 (10 minu.)
Nu. 1: Pese a Solomona 1:1-17 (4 minu. pe itiiti ifo)
Nu. 2: Aiseā ua Fai Mai ai Molimau a Ieova na Amata Aso e Gata ai i le 1914?—bh itu. 215-218 (5 minu.)
Nu. 3: E Faapefea Ona Faaaloalogia i Tatou e Isi? (5 minu.)
□ Sauniga o le Auaunaga:
10 minu: Faasilasilaga. I le faaaogāina o le taulimaga faataʻitaʻi o loo i le itulau e 4, faataʻitaʻi le auala e ono amata ai se suʻesuʻega faale-Tusi Paia i le Aso Toonaʻi muamua o Tesema. Faalaeiau tagata uma ina ia faia se sao.
15 minu: “O Uiga e Sili Ona Tāua o se Faiaʻoga Lelei.” Fesili ma tali. Valaaulia le aofia e faamatala mai le auala na fesoasoani ai iā i latou e agaʻigaʻi i luma faaleagaga, ona o le alofa na faaalia e o latou faiaʻoga o le Tusi Paia.
10 minu: Manatu mo le Ofoina o Mekasini iā Tesema. Talanoaga. Ia faaavanoa se minute se tasi pe lua, e faailoa mai ai nisi o mataupu atonu na fiafia i ai tagata o lau oganuu. Ona sosoo lea ma le faaaogā o mataupu o loo i le faavaa o Le Olomatamata, ma valaaulia le aofia e faailoa mai se fesili faatupu manatu na lāgā e se tasi, ma valaaulia i latou e faailoa mai ni manatu e faatatau i le mataupu ma se mau e faitau. Ia faapena foʻi ona faia i mataupu i le faavaa o le Ala Mai! ma a lava se taimi, ona faataʻitaʻi lea o nisi o mataupu o loo aumaia i nei mekasini e lua. Fai se faataʻitaʻiga i le auala e ofo ai mekasini.
Pese 63 ma le Tatalo