Taulimaga Faataʻitaʻi

Mo le Tauiviga o le Faamanatuga

“O loo matou tufatufaina atu se tusi valaaulia i se tasi o a matou sauniga faapitoa. I a Aperila 14, e faitau miliona i latou i le lalolagi aoao o le a faapotopoto faatasi e faamanatu le maliu o Iesu Keriso, ma faalogologo i se lauga e aunoa ma se totogi, lea o le a talanoaina ai aogā ua tatou maua mai i le maliu o Keriso. O loo taʻua i lenei tusi valaaulia le nofoaga ma le taimi o le a faia ai lea sauniga faapitoa i lo tatou vaipanoa.”

Le Olomatamata Aperila 1

“I lenei aso, o loo matou fiafia e talatalanoa puupuu e uiga i se mea e tutusa ai tagata uma lava. E toetoe o tagata uma e tatalo e tusa lava po o le ā lana tapuaʻiga. Pe e te manatu e taliina e le Atua tatalo, po o le tatalo ua na o se auala e faaleleia ai o tatou faalogona? [Faatali mo se tali.] Mātau le manatu o le Tusi Paia e uiga i tatalo. [Faitau le 1 Ioane 5:14.] O loo faamatalaina i lenei mekasini aogā e tatou te maua pe a tatou tatalo.”

Ala Mai! Aperila-Iuni

“E matou te fiafia e fefaasoaaʻi ma tagata e uiga i se faafitauli ua taatele i aso nei. E foliga mai e lē taitai ona lava le taimi e faataunuu ai mea uma e tatou te mananaʻo ai. Pe e te manatu e māfua lenei mea ona ua tele naʻuā a tatou mea e fai, pe ona o loo tatou faamaʻimauina le taimi? [Faatali mo se tali.] E toʻatele tagata e lē o iloa o loo iai i le Tusi Paia ni fautuaga aogā e fesoasoani iā i tatou, e faasoasoa ai lo tatou taimi. O se tasi lenei o fautuaga. [Faitau le Filipi 1:10a.] O loo taʻua i lenei mekasini ni auala se fā, ua mafai ona fesoasoani i le toʻatele e faaaogā tatau ai lo latou taimi.”