Taulimaga Faataʻitaʻi

Le Olomatamata Oketopa 1

“O loo matou faailoa atu i tagata le mataupu faatupu manatu lenei o loo i Le Olomatamata. [Faaali atu le pito i luma o le mekasini.] O nisi e manatu e maʻimau le taimi e tatalo ai, ma e leai se tasi o faafofoga mai. O isi e talitonu o loo faafofoga mai le Atua iā i latou. Ae o le ā sou manatu? [Faatali mo se tali.] Mātau le manatu o le Tusi Paia e faatatau i le tatalo. [Faitau le Isaia 30:19.] O loo taʻua i lenei mekasini faamaoniga o loo faafofoga mai le Atua, ma e tali mai i tatalo e faia atu i le auala saʻo, ma i mea e tusa ma lona finagalo.”

Ala Mai! Oketopa

“O loo matou asiasi i aiga taʻitasi ona o le toʻatele o tagata o loo taumānatu pe aiseā ua lē taofia ai e le Atua mafatiaga. Pe e te talitonu o se lē faaaloalo le fesili atu i le Atua i mataupu faapena? [Faatali mo se tali.] Na faailoa mai e le tane faamaoni o Iopu lona faanaunauga e fia fesili atu i le Atua. [Faitau le Iopu 23:3-5.] O loo talanoaina i lenei mekasini fesili e tolu e fia fesili atu ai le toʻatele o tagata i le Atua pe a maua se avanoa, faapea tali o loo taʻu mai i le Tusi Paia.”