Taulimaga Faataʻitaʻi

Ina ia Amata se Suʻesuʻega Faale-Tusi Paia i le Aso Toonaʻi Muamua o Oketopa

“O loo matou asia puupuu tagata e talanoa i ai e faatatau i se faigāmalo lelei. O le ā sou manatu, faamata e iai se malo e mafai ona aveesea faafitauli tugā, e pei o faiga sauā ma le lē faamasinotonu?” Faatali mo se tali. Faamanatu i le tagata le Tatalo a le Alii, lea na aʻoaʻo ai e Iesu ona soo ia tatalo mo se malo ina ia oo mai, o le Malo lea o le Atua. Faaali i ai le pito i tua o le Olomatamata o Oketopa, ma talanoa i le mataupu i lalo o le fesili muamua ma se mau se tasi. Ofo mekasini ma faatulaga e toe foʻi e talanoa i le isi fesili.

Le Olomatamata Oketopa 1

“O loo matou talanoa puupuu ma tagata e faatatau i upu o se tatalo ua masani ai le toʻatele, lea na aʻoaʻo e Iesu i ona soo. [Faitau le Mataio 6:9, 10] O le ā sou manatu, o le ā le Malo o le Atua, ma aiseā na faatāua ai e Iesu i ana aʻoaʻoga lenā Malo? [Faatali mo se tali.] Ua faaalia i lenei mekasini le tala a le Tusi Paia e faatatau i le Malo o le Atua, aemaise faamanuiaga matagofie o le a aumaia ai i le lalolagi.”

Ala Mai! Oketopa-Tesema

“I aso nei, ua avea o se faafitauli masani le iai o feeseeseaʻiga i va o tagata, ma ua lē maua ai se nofo lelei. Ae o le ā sou manatu, faamata o le ā e tupu pe afai e faatatauina e tagata uma le fautuaga o loo i le Faataoto 26:20? [Faitau ma faatali mo se tali.] I lenei mekasini, o loo aumaia ai nisi o taʻiala aogā mai i le Tusi Paia e fesoasoani ai i tagata e tausia le filemu.”