E Mafai Ona E Olioli i Faamanuiaga e Faavavau Mai i se Atua Alofa

• Po o e moomoo i se lalolagi e aunoa ma ni taua, faiga sauā ma le femisaaʻi?

• Po o e moomoo ia leai ni maʻi, mafatiaga ma le oti?

• Po o e naunau e saʻoloto mai i le popole ma le atuatuvale?

• Po o e moomoo e ola i se nofoaga e lē mafai ona faaleagaina e mala faalenatura?

Ua folafola mai e lo tatou Atua alofa o Lē na foafoaina lo tatou paneta matagofie, o le a ia faamanuiaina tagata i se olaga filemu ma fiafia e oo i le faavavau. Ua lē na o se miti lenei folafolaga.

I mataupu o loo mulimuli mai, e matou te valaaulia oe ia mātau:

• Le alofa o Lē na foafoaina i tatou iā i tatou

• Po o le ā le feʻau a le Atua mo i tatou

• Po o le ā ua faailoa mai e perofeta a le Atua e faatatau i ana faamanuiaga ua folafola mai

• Le auala ua fesoasoani mai ai le Atua ia tatou maua le fiafia i le taimi nei ma le lumanaʻi

Seʻi tatou amata i le iloiloina o mea uma ua foaʻi mai e le Atua, lea e faamaonia ai lona alofa mo i tatou.