Lomiga mo le Polokalame mo le Sauniga o le Faiva ma le Olaga Faa-Kerisiano
ME 3-9
ʻOA TAUTELE MAI I LE AFIOGA A LE ATUA | NUMERA 27-29
“Faaaʻoaʻo i le Lē Faailoga Tagata o Ieova”
Ia Talisapaia Atoatoa Uiga o Ieova
14 Na ō atu afafine o Selofeata iā Mose mo se fesoasoani ma fesili atu: “Aiseā ua aveesea ai le igoa o lo matou tamā mai i lona aiga ona ua leai ni ona atalii?” Pe na tali atu Mose: ʻE lē mafai ona ou fesoasoani atu ona o aiāiga o le Tulafono?’ E leai, nai lo o lea, na ia ʻtuuina atu le mataupu iā Ieova.’ (Nu. 27:2-5) Na fetalai Ieova iā Mose: “E saʻo faamatalaga a afafine o Selofeata. E ao lava ona e avatu iā i latou le tofi faatasi ma uso o lo latou tamā, ma e ao foʻi ona e faia ni fuafuaga e tuu atu le tofi o lo latou tamā iā i latou.” Na fetalai foʻi Ieova iā Mose ina ia faaopoopo i le Tulafono: “Afai e oti se tamāloa ae e leai sona atalii, ia outou faia ni fuafuaga e tuu atu ai le tofi i ona afafine.” (Nu. 27:6-8; Iosua 17:1-6) Talu mai lenā taimi, o so o se fafine Isaraelu na oo i lenā tulaga, na mafai ona maua so latou tofi.
Ia Talisapaia Atoatoa Uiga o Ieova
15 Maʻeu se faaaʻoaʻoga lelei o le lē faailogatagata. E leai se isi na mafai ona sulu i ai afafine o Selofeata mo se fesoasoani. Peitaʻi, na feutagaʻi Ieova ma i latou i se auala lelei ma faaaloalo, e pei o le auala na ia feutagaʻi ai ma isi tagata Isaraelu. (Sala. 68:5) Ua na o se faaaʻoaʻoga lea mai le anoanoaʻi o tala mai le Tusi Paia, i le auala na feagai ai Ieova ma ona tagata e aunoa ma le faailogatagata.—1 Samu. 16:1-13; Galu. 10:30-35, 44-48.
Ia Talisapaia Atoatoa Uiga o Ieova
16 E faapefea ona tatou faaaʻoaʻo i le lē faailogatagata o Ieova? Ia manatua, e tatou te lē faaituʻau, pe a tatou talitonu e tutusa tagata uma. Atonu e tatou te manatu e tatou te lē faailogatagata. Peitaʻi e faigatā ona iloa o tatou manatu moni e faatatau i isi i nisi taimi. O le ā e fesoasoani iā i tatou? Na faataatia e Iesu se faaaʻoaʻoga i lenā vala. Ina ua ia fia iloa manatu o tagata e faatatau iā te ia, na ia fesili atu i ona soo: “O le ā se tala a tagata, po o ai le Atalii o le tagata?” (Mata. 16:13, 14) E mafai ona e fesili i sau uō maufaatuatuaina: ʻPo o tutusa le auala o loo oʻu feutagaʻi ai ma tagata uma? Pe e manatu nisi iā te aʻu o sē e faailogatagata?’ Atonu e faapea atu lau uō e lē tutusa le auala o loo e feutagaʻi ai ma isi, ona o o latou lanu, tulaga tau tamaoaiga po o aʻoaʻoga foʻi. O le ā e tatau ona e faia? Ia tatalo i le fesoasoani a Ieova ina ia suia le auala e te manatu ai i isi, ma faataʻitaʻi ai i lana faaaʻoaʻoga.—Mata. 7:7; Kolo. 3:10, 11.
Saʻiliʻiliga mo ʻOa Faaleagaga
it-2 528 ¶5
Taulaga
Taulaga i meainu. O taulaga i meainu na ofoina atu faatasi ma le tele o isi taulaga, aemaise lava ina ua nofoia e tagata Isaraelu le Nuu Folafolaina. (Nu 15:2, 5, 8-10) O taulaga i meainu e aofia ai le uaina, lea e iai le (“ʻava malosi”) ma na sasaa i luga o le fata faitaulaga. (Nu 28:7, 14 faatusatusa i le Eso 30:9; Nu 15:10.) Na tusi atu le aposetolo o Paulo i Kerisiano i Filipi: “[Pe afai] ua liligiina aʻu e pei o se taulaga i meainu, i luga o la outou auaunaga lea ua outou faia ona o lo outou faatuatua, ua ou fiafia.” Na faaaogā faafaatusa e le aposetolo o Paulo taulaga i meainu e faamatala ai lona lotomalie e faaaogā lona malosi, taimi ma alagāʻoa mo ona uso Kerisiano. (Fil 2:17) A o toeitiiti maliu o ia, na ia tusi atu iā Timoteo: “Ua liligiina atu aʻu e pei o se taulaga i meainu, ma ua lata le taimi e faasaʻolotoina ai aʻu.”—2Ti 4:6.
ME 10-16
ʻOA TAUTELE MAI I LE AFIOGA A LE ATUA | NUMERA 30-31
“Ia Avatu Iā Ieova Mea ua E Tautō ai”
it-2 1162
Tautoga
Faia ma le Lotomalie, ae pe a Faia se Tautoga e Tatau Ona Tausia. O le tautoga o se mea e ofoina atu ma le lotomalie e se tagata. Peitaʻi, pe a faia e se tamāloa se tautoga, e tatau ona ia tausia e tusa ai ma tulafono a le Atua. O le mea lena ua taʻua ai le tautoga e pei o se mea ua “noanoatia ai o ia,” ma ua faailoa mai ai e oo lava i lona ola e aafia ai foʻi i le tausiaina o ana upu. (Nu 30:2; tagaʻi foʻi i le Ro 1:31, 32.) Talu ai ua leaga le tulaga o mea, ua tatou malamalama ai la i le māfuaaga ua lapataʻi mai ai le Tusi Paia ia matuā faaeteete a o leʻi faia se tautoga, ma ia iloilo ma le faaeteete mea e aofia ai. Ua taʻua i le Tulafono: “Afai e te faia se tautoga iā Ieova . . . o le a tāpā mai lava e Ieova lou Atua mai iā te oe lou faia o lea mea, ma o se agasala lea iā te oe. Ae afai e te leʻi faia se tautoga, e lē o se agasala lea iā te oe.”—Te 23:21, 22.
“O le Mea ua E Tautō ai, ia E Avatu”
2 E pei ona faaaogā i le Tusi Paia, o le tautoga o se folafolaga tāua e faia e se tasi i le Atua. E folafola atu e lenā tagata e na te faia se gaoioiga, ofo atu se meaalofa, faia se auaunaga, pe faamamao mai i nisi o mea. O le tautoga o se mea e filifili le tagata lava ia e fai ma le lotomalie. E ui i lea, o se mea e paia i le silafaga a le Atua ma e ao ona tausisi i ai, auā ua folafola atu e se tagata o le a ia faia pe lē faia foʻi se mea. (Kene. 14:22, 23; Epe. 6:16, 17) O le ā ua taʻua i le Tusi Paia e faatatau i le tāua o le faia o ni tautoga i le Atua?
Manatu Tāua Mai le Tusi o Numera
30:6-8—Pe mafai e se tane Kerisiano ona faalēaogāina le tautoga a lana avā? E tusa ai ma tautoga, ua feagai Ieova ma ona tagata tapuaʻi taʻitoʻatasi i le taimi nei. O se faaaʻoaʻoga, o le tuuina atu iā Ieova, o se tautoga lea e fitoitonu i le tagata lava ia. (Kalatia 6:5) E leai se pule a le tane e na te taofia ai pe faalēaogāina lea tautoga. E tatau ai la i le avā ona ʻalofia le faia o se tautoga e feteenaʻi ma le Afioga a le Atua po o ona tiute tauave mo lana tane.
Saʻiliʻiliga mo ʻOa Faaleagaga
it-2 28 ¶1
Iefata
E mafai ona tuutoina atu se tagata e auauna i lona olaga atoa iā Ieova i lona malumalu. O se aiā tatau e mafai ona atiaʻe e mātua. O Samuelu o se tasi o i latou nei na tautō ai lona tinā o Hana a o leʻi fanau mai, ina ia auauna i le faleʻie paia. Na faamaonia lenei tautoga e lana tane o Elekana. O le taimi lava na teʻa ai Samuelu ma le susu, na ofo atu ai loa o ia e lona tinā o Hana i le malumalu ma na aumaia foʻi e Hana o taulaga i manu. (1Sa 1:11, 22-28; 2:11) O Samasoni le isi tamaitiiti na tuutoina atu i le auaunaga i le Atua o se Naseri.—Fam 13:2-5, 11-14; faatusatusa i le pule a se tamā i lona afafine o loo faamatalaina i le Nu 30:3-5, 16.
ME 17-23
ʻOA TAUTELE MAI I LE AFIOGA A LE ATUA | NUMERA 32-33
Ia “Tutuliesea Tagata Uma o le Laueleele”
E te Silafia?
O ā “mea maualuluga” e masani ona taʻua i Tusi Paia Eperu?
Ina ua sauni Isaraelu e ulu atu i le Nuu o le Folafolaga, na fetalai Ieova iā i latou e aveese mea uma o fai ai tapuaʻiga a tagata Kanana o loo iai i le nuu. Na poloaʻi atu le Atua: “Ia outou . . . nutipalaina a latou faatagata maa, ia nutipalaina a latou tupua uʻamea, ia nutipalaina foʻi ma a latou mea maualuluga paia.” (Numera 33:52) Atonu o na nofoaga autū o tapuaʻiga sesē, a lē i aʻega maualuluga, o ni pa maa sa fausia i isi vaega, i lalo o laau po o aai. (1 Tupu 14:23; 2 Tupu 17:29; Esekielu 6:3) Masalo sa iai ni fata faitaulaga, poutū ma pou paia, faatusa, fata e faamū ai mea manogi, ma isi mea sa faaaogā mo taulaga.
Aʻoaʻoina se Lesona Mai Mea Sesē na Faia e Isaraelu
O loo tatou fesagaʻia le tele o tofotofoga e pei foʻi ona fesagaʻi ma tagata Isaraelu. Ua tele mea ua fai ma tupua o tagata i aso nei. E aofia ai tupe, o tagata lauiloa i mea faafiafia ma taaloga, o faiga faapolotiki, o taʻitaʻi faapitoa o lotu, e oo lava i totonu o aiga. E mafai lava ona tatou faamuamua na mea i o tatou olaga. O le atiaʻe o ni faigāuō māfana ma ē e lē alolofa iā Ieova, e ono faavaivaia ai i tatou i le itu faaleagaga.
O feusuaʻiga e lē mamā, o se vaega autū lea o le tapuaʻiga iā Paala lea na faasesēina ma faatosinaina ai le tele o tagata Isaraelu. O loo faaauau pea ona maileia tagata o le Atua i na faiga. O se faataʻitaʻiga, e faigofie lava ona ki le TV e te matamata ai. Ae pe afai e oso mai se ata e iai faiga lē mamā, ma o loo tatou matamata pea ae lē tapē le TV, e mafai ona faaleagaina ai o tatou lotofuatiaifo. O lea o se tulaga faanoanoa pe a maileia se Kerisiano e lē gata i lenā mea, ae o ata ma faiga matagā foʻi o loo faaalia i le Initaneti.
it-1 404 ¶2
Kanana
Na gaoioi ma le atamai Iosua e ala i lona lē ʻtuua o se upu o upu uma na poloaʻi mai ai Ieova iā Mose,’ e faatatau i le faaumatiaga o tagata Kanana. (Ios 11:15) Peitaʻi e leʻi mulimuli le nuu o Isaraelu i le taʻitaʻiga lelei a Iosua, ma lē mafai ai ona latou aveesea atoatoa mea na faaleagaina ai i latou. O le faaauau ona iai pea o tagata Kanana faatasi ma le nuu o Isaraelu, na aumaia ai iʻuga leaga. A o faagasolo taimi, o na iʻuga leaga na saosaolaumea i le toʻatele o i latou na feoti, (ona o le lē faailoaina o o latou solitulafono, o amioga lē mamā ma le ifo i tupua) nai lo o tagata Kanana na tatau ona fasiotia i le poloaʻiga na tuuina atu e Ieova. (Nu 33:55, 56; Fam 2:1-3, 11-23; Sl 106:34-43) Na lapataʻia e Ieova tagata Isaraelu, e lē faailoga tagata ana faamasinoga ma iʻuga o ana faamasinoga. Pe afai la e faaauau pea ona feutagaʻi tagata Isaraelu ma tagata Kanana, faaipoipo atu iā i latou, mulimuli i a latou tū faalotu ma gaoioiga e inosia, o le a oo iā i latou le poloaʻiga ina ia fasiotia i latou e pei ona poloaʻia ai tagata Kanana, ma o le iʻuga o le a ʻluai mai ai i latou e le laueleele.’—Eso 23:32, 33; 34:12-17; Le 18:26-30; Te 7:2-5, 25, 26.
Saʻiliʻiliga mo ʻOa Faaleagaga
it-1 359 ¶2
Tuaoi
Pe a māeʻa ona faasino mai e le vili le itulagi o le fanua mo se ituaiga, ona fua loa lea o le telē o le laueleele e ala i le faaaogā o le mea moni lona lua: le toʻatele o le aofaʻi o tagata. “E ao ona outou vaevaeina le laueleele iā te outou lava, e fai ma fanua e tusa ma o outou aiga e ala i le faia o le vili. O le aiga e toʻatele e ao ona outou faateleina lo latou tofi, ma o le aiga e toʻalaiti, e ao ona outou faaitiitia lo latou tofi. O le mea ua faasaga i ai le vili mo ia, o le fanua lenā e fai mo ia.” (Nu 33:54) E tumau pea le itulagi ua tofia i ai se ituaiga e tusa ai ma le vili, ae e mafai ona fetuunaʻi le telē o le fanua. O lea, ina ua iloa e telē le fanua na maua e Iuta, na faaitiitia ona fanua e ala i le toe tofia o isi vaega mo le ituaiga o Simeona.—Ios 19:9.
ME 24-30
ʻOA TAUTELE MAI I LE AFIOGA A LE ATUA | NUMERA 34-36
“Ia Sulufaʻi Atu Iā Ieova”
Po o E Sulufaʻi Atu iā Ieova?
4 Ae na faapefea ona feutagaʻi tagata Isaraelu ma sē na fasioti tagata paʻivalea? E ui e leʻi fuafuaina le gaoioiga na ia faia, ae na nofosala lava o ia i le faamasaaina o le toto o le tagata e lē sala. (Kene. 9:5) Peitaʻi, na iai se faatulagaga alofa na faataga ai lē na fasioti tagata paʻivalea e sola ese mai i lē na te tauimasui i le toto, ma sulufaʻi atu i se tasi o aai o sulufaʻiga e ono na iai. O i inā na maua ai e lē na fasioti tagata paʻivalea le puipuiga, ma na tatau ona nofo ai i totonu o le aai o sulufaʻiga seʻia maliu le ositaulaga sili.—Nu. 35:15, 28.
Po o E Sulufaʻi Atu iā Ieova?
6 Pe afai na faafuaseʻi ona fasiotia se tasi, e tatau i lē na fasioti tagata paʻivalea ona sola atu i le aai o sulufaʻiga, ma muamua “tautala atu a o faalogologo mai toeaina” o loo i le faitotoʻa o le aai. E tatau ona talileleia o ia e toeaina. (Iosua 20:4) I se taimi mulimuli ane, e toe auina atu o ia i toeaina o le aai lea na ia fasiotia ai le tagata, ma e latou te faia lona faamasinoga. (Faitau le Numera 35:24, 25.) E faatoʻā mafai ona toe faafoʻi o ia i le aai o sulufaʻiga pe afai e faamaonia e leʻi fuafuaina le gaoioiga na ia faia.
Po o E Sulufaʻi Atu iā Ieova?
13 O le taimi lava na taunuu ai le tagata sulufaʻi i se aai o sulufaʻiga, na saogalemu o ia. Na fetalai Ieova e faatatau i na aai: “Ia avea ma aai o sulufaʻiga mo outou.” (Iosua 20:2, 3) E leʻi finagalo Ieova e toe faamasinoina le fasioti tagata paʻivalea mo le solitulafono lava lea e tasi, pe faataga lē na te tauimasui i le toto e alu atu i totonu o le aai ma fasioti le tagata sulufaʻi. E lē manaʻomia ona fefe le tagata sulufaʻi ina neʻi tauimasui atu se tasi iā te ia. A o iai i totonu o le aai, na saogalemu ma malupuipuia o ia i le puipuiga a Ieova. O lenā aai e lē o se falepuipui. Na mafai e le tagata sulufaʻi ona faigaluega, fesoasoani i isi, ma auauna iā Ieova ma le filemu. Ioe, na mafai ona ia maua se olaga fiafia ma faamalieina!
Saʻiliʻiliga mo ʻOa Faaleagaga
Le Togiola Talafeagai mo Tagata Uma
13 Peitaʻi, e leʻi aogā ia Atamu po o Eva le togiola. O le mataupu silisili lenei ua iai i le Tulafono faa-Mose: “E lē tatau ona outou talia se togiola mo le ola o se fasioti tagata o lē ua tatau i ai le oti.” (Numera 35:31, NWT) Sa leʻi ʻolegia Atamu, o lea o lana agasala sa faia ma le loto i ai ma le iloa. (1 Timoteo 2:14) Na iʻu ai i le fasiotia o lana fanau, auā ua tuufaasolo mai nei iā i latou lona lē lelei atoatoa, ma oo atu ai i le faasalaga o le oti. E manino lava la, ua tatau ona oti Atamu, ona o ia o se tagata lelei atoatoa, ae na ia filifili ma le loto i ai ia lē usiusitaʻi i le tulafono a le Atua. O le a feteenaʻi ma mataupu silisili amiotonu a Ieova pe afai e faatatauina le togiola iā Atamu. Peitaʻi, ua saunia e le Atua le totogi mo le agasala a Atamu, lea o le a aveesea ai le faasalaga o le oti mai i lana fanau! (Roma 5:16) I se uiga faaletulafono, ua vavaeesea tonu lava le malosi o le agasala mai lona amataga. Na ʻoo le oti’ i lē na faatinoina le togiola ʻona o tagata uma,’ e tauaveina ai āuga o le agasala mo le fanau uma a Atamu.—Eperu 2:9; 2 Korinito 5:21; 1 Peteru 2:24.
ME 31–IUNI 6
ʻOA TAUTELE MAI I LE AFIOGA A LE ATUA | TEUTERONOME 1-2
“O le Atua e Ona le Faaiʻuga”
O Ieova—O Lē Alofa i le Amiotonu ma le Faamasinoga Tonu
O toeaina tofia o le faapotopotoga, ua iā i latou le matafaioi e faia ai faamasinoga o solitulafono matuiā. (1 Korinito 5:12, 13) Pe a faia faapea, e latou te manatua e saʻilia e le faamasinoga tonu a le Atua le faasafua atu o lona alofa mutimutivale pe a tatau ai. Pe afai e leai se faavae e manaʻomia ai, e pei o le tulaga o le tagata ua faimea sesē ae lē salamō, e lē mafai la ona faasafua atu lena alofa mutimutivale. Peitaʻi, e lē faapea e faateʻa e toeaina se tagata faimea sesē mai le faapotopotoga, ona o le fia tauimasui. E latou te faamoemoe o le a fesoasoani le faateʻaina e toe faasaʻoina ai o ia. (Faatusatusa i le Esekielu 18:23.) I le tulaga ulu o Keriso, ua auauna le ʻautoeaina mo le faamasinotonu, ma e aofia ai le avea e pei o se “lafitaga mai i le matagi.” (Isaia 32:1, 2, NWT) O lea, e tatau ona latou faaalia le lē faailoga tagata ma magafagafa.—Teuteronome 1:16, 17.
Ia Gauaʻi ma le Faamaoni i le Pulega a le Atua
4 Peitaʻi, e sili atu mea sa manaʻomia i le avea ai ma faamasino nai lo o le iloaina o le Tulafono. Talu ai ona o le tulaga lē lelei atoatoa, sa tatau ai i toeaina ona mataala e teena so o se faanaunauga e ono faasesē ai la latou faamasinoga, e pei o le manatu faapito, faailoga tagata, ma le matapeʻapeʻa. Na taʻu atu e Mose iā i latou: “Aua tou te faaʻauʻau i a outou faamasinoga. E ao ona outou faalogo i lē e faatauvaa e pei ona outou faalogo i lē e aloaʻia. Aua tou te fefefe i tagata auā o le Atua e ona le faaiʻuga.” Ioe, o faamasino Isaraelu sa avea ma faamasino mo le Atua. Maʻeu se faaeaga mataʻina sa iai!—Teuteronome 1:16, 17, NWT.
Saʻiliʻiliga mo ʻOa Faaleagaga
E Maufaatuatuaina Faamanatuga a Ieova
9 A o faimalaga tagata Isaraelu mo le 40 tausaga i le toafa, e leʻi tuuina atu e Ieova iā i latou ni faamatalaga patino i le auala e taʻitaʻia, puipuia ma tausia ai i latou. Peitaʻi, e tele auala na faailoa atu ai e Ieova iā i latou, e latou te maua aogā pe a faatuatuaina o ia ma usitaʻia ana faatonuga. O le ao faaniutū i le ao ma le afi i le pō, na faamautinoa atu ai e Ieova iā Isaraelu lona lagolagoina o i latou i se faigāmalaga faigatā. (Eso. 40:36-38; Teu. 1:19) Na ia saunia foʻi mea na latou manaʻomia. “E leai se mea na latou matitiva ai. E leʻi pala o latou ofu, ma e leʻi fulafula foʻi o latou vae.”—Nee. 9:19-21.
IUNI 7-13
ʻOA TAUTELE MAI I LE AFIOGA A LE ATUA | TEUTERONOME 3-4
“E Atamai ma Faamasinotonu Tulafono a Ieova”
it-2 1140 ¶5
Malamalamaga
O le filigā e suʻesuʻe ma faatatau le Afioga a le Atua ma ana faatonuga, o le a mafai ai e se tasi ona maua le tofā mamao nai lo o lana faiaʻoga, ma sili atu ai lona malamalama nai lo o toeaina. (Sl 119:99, 100, 130; faatusatusa i le Lu 2:46, 47.) Talu ai ona ua iai le atamai ma le malamalama i tulafono mamā ma iʻuga o faamasinoga a le Atua. O lea, o le tausia ma le faamaoni e tagata Isaraelu o ia mea na māfua ai ona manatu nuu na siʻomia ai i latou, o i latou o ni tagata e “atamamai ma malamalama.” (Te 4:5-8; Sl 111:7, 8, 10; faatusatusa i le 1Tu 2:3.) O le tagata malamalama e na te iloa e lē mafai ona suia le Afioga a le Atua, e manaʻo e vaai i mea e pei ona silasila i ai le Atua, ma ōle atu mo lana fesoasoani. (Sl 119:169) E na te faatagaina le Afioga a le Atua e pāʻia ai lona loto (Mat 13:19-23), tusia i luga o le papamaa o lona loto (Fat 3:3-6; 7:1-4), ma atiaʻe ai le ʻinoʻino i “ala sesē uma” (Sl 119:104). Na faaalia e le Atalii o le Atua lenā malamalama a o iai i le lalolagi, e oo lava i lona teena o le saʻilia o se auala e faasaoina ai o ia mai i le maliu i se laau e faapuapuagatia ai. O le auala lenā e faataunuu ai Tusitusiga Paia.—Mat 26:51-54.
Pe a Matuā Tele le Limafoaʻi
Ua māofa le tupu tamaʻitaʻi i mea na ia faalogo ma vaai i ai, ma na ia tali atu ma le lotomaulalo e faapea: “E fiafia foʻi au auauna o ē o loo tutū e lē aunoa i ou luma, ma faalogo i lou atamai!” (1 Tupu 10:4-8, NWT) E na te leʻi taʻutino maia le olioli o auauna a Solomona ona sa siʻomia i latou i le tamaoaiga, e ui lava o le mea moni lena. Nai lo o lea, sa faamanuiaina auauna a Solomona ona o lo latou faalogologo e lē aunoa i le poto o Solomona na foaʻi i ai e le Atua. Maʻeu se faaaʻoaʻoga lelei a le tupu tamaʻitaʻi o Seepa mo tagata o Ieova i aso nei, o ē o loo olioli i le atamai o Lē na foafoaina mea faapea ma lona Alo o Iesu Keriso!
O le isi mea mataʻina, o le faamatalaga na sosoo ai a le tupu tamaʻitaʻi iā Solomona e faapea: “Ia viia Ieova lou Atua.” (1 Tupu 10:9, NWT) E faavae i faamaoniga, na ia vaaia le foaʻiina atu e Ieova iā Solomona o le poto ma le tamaoaiga. Ua ōgatusa lenei ma le mea na muaʻi folafola atu e Ieova iā Isaraelu. ʻO le tausia o aʻu tulafono,’ na fetalai ai o ia “o se faaiʻuga atamai lo outou faia faapea ma e faaalia ai foʻi lo outou malamalama i luma o tagata o ē o le a faalogo i ia tuutuuga uma ma faapea ane, ʻe matuā atamamai ma malamalama tagata o lenei nuu malosi ma matuā toʻatele.’”—Teuteronome 4:5-7, NWT.
Po o E “Mauʻoa i le Atua”?
13 Pe a faamanuia Ieova i ona tagata, e na te avatu iā i latou le faamanuiaga e silisili ona lelei. (Iakopo 1:17) Mo se faataʻitaʻiga, ina ua avatu e Ieova i tagata Isaraelu le nuu e nonofo ai, o se nuu sa “tafe ai le suāsusu ma le meli.” E ui o le auala foʻi lena na faamatalaina ai le nuu o Aikupito, ae e iai se vala se tasi na ese ai le nuu lea na avatu e Ieova i tagata Isaraelu. Na faapea atu Mose i tagata Isaraelu: “O le nuu e tausia e Ieova lou Atua.” I nisi faaupuga, e latou te manuia ona o le a tausia e Ieova i latou. Pe a faaauau ona faamaoni tagata Isaraelu iā Ieova, o le a ia matuā faamanuia iā i latou ma ola ai i se olaga e matuā sili atu i isi uma nuu tuaoi. Ioe, o le faamanuia a Ieova e “faatamaoaiga ai”!—Numera 16:13; Teuteronome 4:5-8; 11:8-15.
Saʻiliʻiliga mo ʻOa Faaleagaga
Manatu Tāua Mai le Tusi o Teuteronome
4:15-20, 23, 24—Po o le uiga o le faasāina o le tāina o tupua e faapea ai, e sesē le tāina o ni mea taulima a tagata tusiata? E leai. Sa faatatau atu lenei faasāsāaga i le faia o tupua e ifo i ai i tapuaʻiga, e sā ona ʻifo i ni faatusa ma auauna i ai.’ E lē faasāina i le Tusi Paia le vaneina o faatagata po o le valiina o ni ata mo le teuteuina o se fale.—1 Tupu 7:18, 25.
IUNI 14-20
ʻOA TAUTELE MAI I LE AFIOGA A LE ATUA | TEUTERONOME 5-6
“Ia Aʻoaʻo Lau Fanau ia Alolofa Iā Ieova”
Mātua e, Ia Tausia Lelei o Outou Aiga
11 I lenei mataupu, ua tele ina sii mai le Teuteronome 6:5-7. Faamolemole ia tatala lau Tusi Paia ma faitau i na fuaiupu. Mātau, o loo faatonuina muamua mātua ina ia atiaʻe o latou itu faaleagaga, o le alofa lea mo Ieova ma ia manatua ana fetalaiga. Ioe, e tatau ona avea oe o se tagata toʻaga e suʻesuʻe le Afioga a le Atua, faitau e lē aunoa le Tusi Paia ma manatunatu loloto i ai, ina ia mafai ona e atiaʻe se malamalamaga moni ma naunau i ala o Ieova, ana upu moni faavae ma ana tulafono. O le iʻuga, o le a tumu lou loto i upu moni o le Tusi Paia, lea o le a e maua ai le fiafia, mataʻu ma le alofa mo Ieova. O le a tele mea lelei tou te tuuina atu i a outou fanau.—Luka 6:45.
Fesoasoani i Lau Fanau Ina ia Maua Aʻoaʻoga Moni
O ou faanaunauga, o mea e te faatāua ma mea e te fiafia ai, o le a atagia i lau talanoa ma au gaoioiga. (Roma 2:21, 22) A o lāiti le fanau, e latou te aʻoaʻoina mea e ala i le mātau o mea e fai e o latou mātua. E lagona e le fanau mea e faatāua e o latou mātua, ma latou faatāuaina foʻi ia mea. Pe afai e moni lou alofa mo Ieova, o le a mātauina e lau fanau. O se faataʻitaʻiga, latou te mātauina e tāua tele iā te oe le faitau ma le suʻesuʻeina o le Tusi Paia. O le a latou iloa ai e te faamuamua manaʻoga o le Malo i lou olaga. (Mataio 6:33) O lou auai e lē aunoa i sauniga faa-Kerisiano ma le talaʻia o le Malo, latou te iloa ai e sili ona tāua iā te oe le auaunaga paia iā Ieova.—Mataio 28:19, 20; Eperu 10:24, 25.
Mātua e, Ia Tausia Lelei o Outou Aiga
14 E pei ona taʻua i le Teuteronome 6:7, e tele avanoa e mafai ai e outou mātua ona talanoa ma fanau i mea faaleagaga. E ono maua avanoa e tausia ai manaʻoga faaleagaga o fanau pe a faimalaga faatasi, fai feʻau faatasi i le fale, po o taimi paganoa foʻi. E lē manaʻomia ona e “lauga atu” i taimi uma e uiga i upu moni o le Tusi Paia i lau fanau. Nai lo o lea, ia taumafai e faia talanoaga faaleaiga o se mea e atiaʻe ai, ma ia taulaʻi atu i mea faaleagaga. O se faaaʻoaʻoga, ua aofia i le mekasini o le Ala Mai! le tele o mataupu eseese. E ono avea na mataupu e faavae ai talanoaga e uiga i meaola na faia e Ieova, nofoaga matagofie o mea faalenatura i le lalolagi, ma aganuu eseese a tagata ma o latou soifuaga. O na talanoaga atonu e uunaʻia ai talavou e faitau atili i lomiga ua saunia e le pologa faamaoni ma le faautauta.—Mataio 24:45-47.
Saʻiliʻiliga mo ʻOa Faaleagaga
Le Alofa ma le Faamasinotonu i Isaraelu Anamua
11 Lesona: E lē gata le silafaga a Ieova i foliga vaaia o tagata, ae e mafai ona ia iloa lelei o tatou loto. (1 Samu. 16:7) E na te silafia uma o tatou mafaufauga, faalogona, ma gaoioiga. E silasila mai o ia i o tatou uiga lelei ma faalaeiauina i tatou e faia mea lelei. Peitaʻi, e finagalo o ia ina ia tatou iloa ma pulea o tatou mafaufauga sesē, a o leʻi oo ina tatou faia ni gaoioiga sesē.—2 No. 16:9; Mata. 5:27-30.
IUNI 21-27
ʻOA TAUTELE MAI I LE AFIOGA A LE ATUA | TEUTERONOME 7-8
“Aua Tou te Faaipoipo Atu Iā i Latou”
Aiseā e Finagalo ai le Atua ia Faaipoipo Ona Tagata Tapuaʻi, Tau Lava o Tagata Tapuaʻi?
I le vaaiga lautele, na silafia e Ieova o loo manaʻo Satani e faaliliu Ona tagata, ina ia tapuaʻi atu i atua sesē. Na lapataʻi atu le Atua e uiga i ē e lē talitonu e faapea, e “latou te faaliliuina o outou atalii mai i le mulimuli atu i le Atua, ma latou auauna atu foʻi i isi atua.” E toʻatele na lamatia i lea tulaga. Afai e auauna atu tagata Isaraelu i isi atua, o le a latou lē maua la le finagalo malie ma le puipuiga a Ieova, ma e faigofie ona faaumatia i latou e o latou fili. O le a faapefea la ona auala mai le Mesia folafolaina i le nuu o Isaraelu? E manino mai, e iai le māfuaaga na manaʻo ai Satani e taaʻina tagata Isaraelu, e faaipoipo atu i tagata lē talitonu.
Po o Talafeagai Pea Ona Faaipoipo “Tau o Lē ua i le Alii”?
Ua faatulaga e Ieova i lana Afioga le taʻiala ina ia faaipoipo tau o lē ua i le Alii. Aiseā? Auā e na te silafia le mea e lelei mo ona tagata. E lē gata e finagalo o ia e leoleoina ana auauna mai āuga tigā o le uia o se ala lē atamai, ae ia latou maua foʻi le fiafia. I aso o Neemia, ina ua faaipoipo le toʻatele o Iutaia i tagata o nuu ese e lē tapuaʻi iā Ieova, na ia faasino atu i latou i le faaaʻoaʻoga leaga a Solomona. E ui lava “sa alofagia o ia e lona Atua, . . . a ua agasala o ia ona o fafine ese.” (Nee. 13:23-26) Ua faatonuina e le Atua ana auauna ina ia faaipoipo tau o ona tagata tapuaʻi moni, mo lo latou lelei. (Sala. 19:7-10; Isa. 48:17, 18) E lotofaafetai Kerisiano moni mo le tausiga agalelei a le Atua, ma e latou te faalagolago foʻi i lana taʻitaʻiga. E latou te vāai iā te ia o Lē e Silisili Ese e ala i le gauaʻi atu iā te ia.—Faata. 1:5.
Ia Mataala i Au Aumea i Nei Aso e Gata Ai
12 E tāua tele i Kerisiano nofofua o loo fia faaipoipo ona mataala i a latou aumea. Ua lapataʻi mai le Tusi Paia: “Ia aua neʻi amo faalēgatasi ma ē e lē talitonu. Auā e faapefea ona fesootaʻi le amiotonu ma le amioleaga? E faapefea ona mafuta le malamalama ma le pōuliuli?” (2 Kori. 6:14) Ua fautuaina e le Tusi Paia auauna a le Atua o loo saʻilia ni paaga faaipoipo ina ia faaipoipo “tau lava o lē ua i le Alii,” o lona uiga ia faaipoipo tau o auauna tapuaʻi a Ieova ua uma ona tuuina atu ma papatiso, o loo ola e ōgatusa ma aʻoaʻoga a le Tusi Paia. (1 Kori. 7:39) O le faaipoipo iā i latou na, o le a maua ai e Kerisiano ni paaga ua tuutoina atu iā Ieova ma o le a fesoasoani iā i latou e faatumau lo latou faamaoni iā te ia.
Saʻiliʻiliga mo ʻOa Faaleagaga
Ua Saunia E Ieova Mea Tatou te Manaʻomia i le Aso
4 O a tatou tatalo mo meaʻai i aso taʻitasi, e ao ona tatou manatua ai o tatou manaʻoga mo taumafa faaleagaga i aso taʻitasi. E ui i lona fia taumafa ina ua uma le tele o aso o faalāina, ae na teena e Iesu le faaosoosoga a Satani ina ia liua maa e avea ma areto, e ala i lona faapea atu: “Ua tusia, ʻE lē na o meaʻai e ola ai le tagata, ae o afioga uma e tulei mai i le fofoga o Ieova.’” (Mataio 4:4, NWT) Na taʻua i inei e Iesu upu a le perofeta o Mose o lē na fai atu i tagata Isaraelu: “Na ia [Ieova] faamaulaloina oe ma tuu oe ia matelāina, ma fafaga iā te oe i le manai lea e te leʻi masani ai pe masani ai foʻi ou augātamā; ina ia e iloa ai e lē na o meaʻai e ola ai le tagata, ae o afioga uma e tulei mai i le fofoga o Ieova e ola ai le tagata.” (Teuteronome 8:3, NWT) O le auala na saunia ai e Ieova le manai, na maua ai e tagata Isaraelu a latou taumafa atoa foʻi ma ni lesona aogā. O se tasi o nei lesona, na tatau ona “ao mai e tusa ma mea e talafeagai ma le tagata i aso taʻitasi.” Afai latou te faaputuina mea e sili atu mo le aso, o le a tumu i ilo ma elo ai mea o le a totoe. (Esoto 16:4, 20, NWT) Peitaʻi ane, e leʻi tupu lenā mea i le aso lona ono lea sa tatau ai ona taʻilua mea latou te faaputuina mo le aso, ina ia tausia ai o latou manaʻoga mo le Aso Sapati. (Esoto 16:5, 23, 24) E ala i le manai, na faamanatu atu ai iā i latou e tatau ona usiusitaʻi, ma e faalagolago o latou ola e lē gata i taumafa, ae i “mea uma e tulei mai i le fofoga o Ieova.”
IUNI 28–IULAI 4
ʻOA TAUTELE MAI I LE AFIOGA A LE ATUA | TEUTERONOME 9-10
“O le ā se Mea e Finagalo Mai i ai Ieova Lou Atua Iā te Oe?”
O le ā e Manaʻomia e Ieova Mai iā i Tatou?
O le ā e uunaʻia i tatou ia usitaʻi ma le fiafia i le Atua? E iai se vala na taʻua e Mose e faapea: “Ia e mataʻu iā Ieova lou Atua.” (Fuaiupu 12) E lē o se mataʻu ona o le fefe i āuga leaga, ae o se mataʻu tatau ma le faaaloalo i le Atua ma ona ala. Pe a iā i tatou le mataʻu i le Atua, o le a tatou lē faia se mea e lē fiafia i ai o ia.
O le ā le uunaʻiga sili e tatou te usitaʻia ai le Atua? Ua faapea mai Mose: ʻIa e alofa iā te ia, ma auauna iā Ieova lou Atua ma lou loto atoa ma lou agaga atoa.’ (Fuaiupu 12) O le alofa i le Atua, e lē na o faalogona e aofia ai. Ua taʻua i se tasi tusi e faapea: “O veape Eperu mo faalogona, e faasino atu i nisi taimi i gaoioiga e māfua mai i na faalogona.” Ua faapea mai lenā lava tusi, o le uiga o le alofa i le Atua, o le “gaoioi ma le alofa” iā te ia. O lona uiga, afai e tatou te alolofa moni i le Atua, o le a tatou gaoioi pea i auala e tatou te iloa e fiafia ai o ia.—Faataoto 27:11.
O le ā e Manaʻomia e Ieova Mai iā i Tatou?
E faamanuiaina i tatou pe a tatou usitaʻi ma le fiafia. Na tusi Mose e faapea: “Ia e tausiusi i poloaʻiga . . . ou te fai atu ai iā te oe i le aso nei, ina ia manuia ai oe.” (Fuaiupu 13) Ioe, o poloaʻiga uma a Ieova, po o mea ua ia faafinagaloina, e mo lo tatou lelei. Aiseā e moni ai lenā manatu? Ua faapea mai le Tusi Paia: “O le Atua o le alofa lava ia.” (1 Ioane 4:8) O lea, ua ia tuuina mai na o poloaʻiga e aogā mo lo tatou lelei e oo i le faavavau. (Isaia 48:17) O lo tatou faia o mea uma e manaʻomia e le Atua, o le a faaitiitia ai faanoanoaga i le taimi nei, ma maua ai faamanuiaga e faavavau i le pulega a lona Malo i le lumanaʻi.
Pe Mafai Moni Ona E “Faalatalata Atu i le Atua”?
2 Sa fiafia Aperaamo anamua i lenā faauōga māfana. Na taʻua e Ieova lenā tamā anamua e faapea, o “laʻu uō.” (Isaia 41:8) Ioe, sa faitauina e Ieova Aperaamo o sana uō mamae. O le faiā lenā sa iā Aperaamo talu ai lona ʻfaatuatua atu iā Ieova.’ (Iakopo 2:23) I aso foʻi nei, o loo saʻili Ieova i ni avanoa e faaalia ai lona “fiafia” tele iā i latou o ē auauna atu iā te ia ona o le alofa. (Teuteronome 10:15) Ua augani mai lana Afioga: “Ia outou faalatalata atu i le Atua, ona faalatalata mai lea o ia iā te outou.” (Iakopo 4:8) Ua maua ai e i tatou se valaaulia, atoa foʻi ma se folafolaga.
Saʻiliʻiliga mo ʻOa Faaleagaga
it-1 103
Tagata Anakima
Na nofoia e tagata tinoeese vaega maugā ma tū matafaga o Kanana, aemaise lava i le itu i Saute. I se tasi taimi na nonofo ai ni tamāloloa aloaʻia se toʻatolu o fanau a Anaki, o Aimano, Sesai ma Talemai i Heperona. (Nu 13:22) O inā na vaaia ai e sipai Eperu e 12 atalii o Anaki, ma e toʻa 10 sipai na latou avatua ni lipoti taufaamataʻu e faapea, o nei tamāloloa na tupuga mai i ni tagata tinoeese a o leʻi tupu le Lolo, ma pe a faatusatusa atu iā i latou e pei tagata Eperu o ni “sē.” (Nu 13:28-33; Te 1:28) Talu ai ona o lo latou maualuluga na faaaogā ai i latou e fai ma faatusatusaga e faamatala ai tagata tinoeese o Emema ma Rafaimi. O lo latou malosi e foliga mai na maua ai lenei faaupuga: “O ai se e mafai ona tū atu i luma o atalii o Anaki?”—Te 2:10, 11, 20, 21; 9:1-3.
Ua Loto Tele Ona o le Faatuatua ma le Mataʻu i le Atua
NA SAUNI le nuu o Isaraelu e ulu atu i le Nuu Folafolaina i le 1473 T.L.M. Na faamanatu atu e Mose i le nuu nisi o luʻi o le a latou fesagaʻia: “O le a e sopoʻia atu Ioritana i ona pō nei, ina ia e oo atu e fai mo oe o nuu e sili ona toʻatele ma le malolosi iā te oe, o aai tetele ua puipuia i pa e oo i le lagi, o le nuu malolosi ma le maualuluga, o atalii o Anaki ua e iloa, ma ua e faalogo ai, ua faapea, Po o ai sē na te tu atu i luma o atalii o Anaki?” (Teuteronome 9:1, 2) Ioe, na lauiloa lenā ʻautau tinoeese! Sa matuā lava sauni foʻi nisi ʻautau a Kanana, sa iai solofanua ma kariota e iai uʻamea maamaʻai i uili.—Faamasino 4:13.
2 A o Isaraelu o se nuu na nofo pologa ma ua 40 tausaga talu ona feoaʻi i le vaomatua. E tusa ai ma le manatu faaletagata, atonu sa leai se faamoemoe e manumalo ai Isaraelu i le taua ma Kanana. Peitaʻi, na faatuatua Mose ma ia “iloa atu” Ieova o loo taʻitaʻia i latou. (Eperu 11:27) Na faapea atu Mose i le nuu: “O Ieova lou Atua, o ia na te sopomua atu iā te oe, . . . na te faaumatia i latou, na te faatoʻilaloina foʻi i latou i ou luma.” (Teuteronome 9:3; Salamo 33:16, 17) Ina ua maliu Mose, na faamautinoa e Ieova iā Iosua Lana lagolagosua i lona fetalai atu: “Inā e tulaʻi atu ia, ia sopoʻia atu Ioritana lenā o oe, atoa ma lenei nuu uma, e ō i le nuu ua ou foaʻiina atu ai iā te i latou, o le fanauga a Isaraelu lava. E lē tu mai se tagata e tetee iā te oe i aso uma o lou ola; e pei ona ou i ai iā Mose, e faapea ona ou i ai iā te oe.”—Iosua 1:2, 5.