O Ai e Mafai Ona E Maufaatuatuaina?—O le ā le Manatu o le Tusi Paia?

Ua lē fiafia tagata ona o le lē maufaatuatuaina o ē na manatu e tatau ona talitonuina. O le toʻatele ua lē toe maufaatuatuaina . . .

• taʻitaʻi faapolotiki o ē e faamuamua o latou manaʻoga nai lo o manaʻoga o tagata.

• le ʻaufaasalalau ona o le lē tonu ma le lē saʻo o a latou faasalalauga.

• saienitisi ona o le lē manatu mamafa mo le lelei o tagata lautele.

• taʻitaʻi lotu ona o le matuā lagolagoina o faiga faapolotiki, nai lo o le faatāua o lo latou tiute tauave o le fai ma sui o le Atua.

E tāua le filifili lelei o ē e tatou te maufaatuatuaina, auā ua lapataʻi mai le Tusi Paia:

• “Aua tou te faatuatua i alii, po o le fanau a tagata, e le o i ai se olataga.”—Salamo 146:3, Tusi Paia Samoa—Lomiga 1884.

O sē e mafai ona e maufaatuatuaina

 O loo taʻua i le Tusi Paia e mafai ona e maufaatuatuaina Iesu Keriso. E leʻi tau ina avea Iesu o se tagata lelei na soifua i le tele o senituri ua mavae. Ae na tofia foʻi o ia e le Atua e fai ma “Tupu . . . , o lona Malo foʻi e leai sona gataaga.” (Luka 1:32, 33) Ua fai Iesu ma Tupu o le Malo o le Atua, lea o loo pule mai i le lagi i le taimi lenei.—Mataio 6:10.

• Ina ia iloa māfuaaga e mafai ai ona e maufaatuatuaina Iesu, ia faitau i mataupu “O Ai le Tupu o le Malo o le Atua?” ma le “O le ā o le a Faataunuuina e le Malo o le Atua?”