Vaega 10

Lou Lumanaʻi

Ua ola aʻe talavou o aso nei ma se faamataʻuga o le matuā leai o se lumanaʻi. Ua faamataʻuina le tulaga o le lalolagi e taua faaniukilia, o mala ua aafia ai le siʻomaga o le tagata, ma le matuā faaleagaina o le tulaga o le tamaoaiga. Peitaʻi, o le taunuuga leaga o le a oo mai i le tagata, atonu e itiiti lava sou popole i ai. E ono sili atu ona e manatu mamafa i le po o fea o le a e iʻu i ai i le isi 10, 20, po o le 30 tausaga mai le taimi nei.

O le mea e sili ai, o loo iai se pogai moni mo oe e te tulimataʻia ai ma le mautinoa lou lumanaʻi. E faalagolago lea i le auala o loo e faaaogā ai lou olaga i le taimi nei.