Nofo Fua—O se Auala Tauia o le Olaga
“Ua saʻoloto o ia e nofotane i le ua loto i ai, tau lava i le ua i le Alii. A e afai e nofo fua pea ia, e sili lona manuia.”—1 KORINITO 7:39, 40.
1. Pe tatou te nofo fua pe faaipoipo, a e o le ā o tatou aitalafu ai ia Ieova?
UA TATAU mo Ieova le tapuaiga ma le solu atoa, a i latou uma lava ua tuuina atu ia te ia. Pe e faaipoipo pe e nofo fua, e tatau lava ona tatou alolofa i le Atua ma o tatou loto ato, solu atoa, manatu atoa, ma le malosi atoa. (Mareko 12:30) E moni, e itiiti fevaevaeaiʻina o le Kerisiano nofo fua, na i lo o i latou o loo faatasia i le noataga o le faaipoipoga. A e pe e mafai ona fiafia moni le auauna e leʻi faaipoipo a Ieova.
2, 3. (a) E tusa ai ma lona manatu autū, o le ā na fai mai ai Paulo i le 1 Korinito 7:39, 40? (e) O ā fesili e tāua ona talanoaina?
2 Ua tali mai le aposetolo o Paulo, ioe, E tusa ai ma o latou na faaipoipo muamua a e ua suia nei taulaga, na tusi ai Paulo: “Ua noatia le fafine i le tulafono i aso uma e ola ai lana tane; a e afai ua oti lana tane ua saʻoloto o ia e nofotane i le ua loto i ai, tau lava i le ua i le Alii. A e afai e nofo fua pea ia, e sili lona manuia, o laʻu taofi lea; o loʻu manatu foi ua ia te au le Agaga o le Atua.” —1 Korinito 7:39, 40.
3 Talu ai ona ua faaalia e Paulo faapea e mafai e tagata e leʻi faaipoipo ona fiafia, atonu o ai la ua faia se filifiliga tatau ina ia nofo fua pea mo sina taimi? O le ā e saosaolaumea i le fiafia o Kerisiano e leʻi faaipoipo? Ioe, e mafai faapefea ona avea le nofo fua o se auala tauia o le olaga?
Tausaga Tauia o le Nofo Fua
4. O le ā ua moni i uiga i tausaga talavou o tama ma teine?
4 Na uunaʻia mai le Tupu poto o Solomona: “O lenei, ia e manatua le na faia oe i ona po o lou tauleʻaleaʻ, a o leʻi oo mai aso leaga (o tausaga matua), a o leʻi oo mai foi tausaga e te faapea ai, E leai soʻu fiafia i ai.” (Failauga 12:1) O tausaga talavou o tama ma teine e masani lava o taimi ia e lē mafaatusaina ai le malaulau ma le malosi lelei o le tino. O lea maeu le talafeagai ona faaaogaina o nei mea tāua i le auaunaga ia Ieova e aunoa ma le fevaeveaiina! A e lē gata i lea, o nei tausaga muʻa o le olaga o le taimi lea e maua ai le poto masani i le olaga, e atiina aʻe ai le tulaga ma- utū. A e o le vaitiami foi lea e faagaee ai le au talavou o le lalolagi i faiga faavalea. O se faataʻitaʻiga, seʻi manatu i iʻuga o se suʻesuʻega e aafia ai le 1,079 tagata i le va o le 18 i le 24 tausaga. Na latou faia e tusa ma le fitu o “faiga alofa” a le tagata e toatasi, ma e masani foi ona faapea mai o mea ua latou tofo nei i ai o le alofa moni lava, a e lē o ni faiga valea.
5. E tusa ai ma faaipoipoga, o ā fesili totino ua talafeagai mo le tagata talavou ona manatunatu i ai?
5 O faamaumauga tau i fuainumera o teteega, talagā faaipoipoga, ma e lē o lea foi o aiga malepelepe, ua taʻu mai ai le lē fautuaina o le faaipoipo vave o le tagata talavou. Na i lo o le nanati atu la e fai ni tauugatala, evaga, ma faaipoipoga, ua popoto ai talavou Kerisiano e mafaufau ma le mautinoa e uiga i le pe mafai faapefea ona latou faaaogāina a e maise lava o latou uluai tausaga i le auaunag lē feavaevaeaiina ia Ieova. I le fuafuaina o ou tulaga o se tagata talavou, atonu e lelei ona e fesili ifo ai ia te oe lava i nei fesili: Pe ua ou matua nei i oʻu faalogoa ootia ma nofo sauni e mafaufau loloto i le noataga o le faaipoipoga? Pe ua lava loʻu poto masani i le olaga e avea ai o se paaga faaipoipo lelei? Pe e mafai ona ou amoina ma le tonu tiute tauave o le faaipoipoga, a e maise foi o se aiga ma se fanau? I le vaai atu i loʻu tuuina atu ia Ieova, pe e lē tatau ai ea ona ou tuuina atu ia te ia le malosi ma le malaulau o loʻu talavou e aunoa ma mea e fetosoaiina ai ona o le faaipoipoga?
Taui o le Tulaga Mamā i le Nofo Fua
6, 7. (a) O ā nisi o avanoa e masani lava ona olioli ai Kerisiano e leʻi faaipoipo? (e) O le ā ua fai mai ai se tasi o misionare i Aferika e leʻi faaipoipo e uiga i lenei mea?
6 E olioli Kerisiano e leʻi faaipoipo i le saolotoga mai le fetosoaiina, ma o le a tele mea e fai “i le galuega a le Alii.” (1 Korinito 7:32-34; 15:58) Na i lo o le taulaʻi atu o le manatu i se tagata se toatasi o le isi ituaiga, o lea maua e le tagata nofo fua le tele o avanoa e faalauteleina ai i le alofa faa-Kerisiano mo le toatele o tagata i le faapotopotoga, e aofia ai ma tagata ua matutua, atoa foi ma isi o loo manaomia se fesoasoani alofa. (Salamo 41:1) E masani lava ona tele taimi e suʻesuʻe ai tagata nofofua ma mafaufau loloto ai i le Afioga a le Atua. (Faataoto 15:28) Latou te maua foi se avanoa sili e atiina aʻe ai se faiā vavalalata ma Ieova, ma aʻoaʻoiina ai le matūa faalagolago atu ia te ia ma saili mo lana taʻitaʻiga. (Salamo 37:5; Filipi 4:6, 7; Iakopo 4:8) Na faapea mai se tamaloa e leʻi faaipoipo, o lē sa auauna o se misionare mo le tele o tausaga i Aferika e faapea:
7 “Ua matūa faigofie lava le olaga i nuu o Aferika i nei tausga, ona o le lē tele o ni mea fetosoaiina ai i nei aso malamalama. Ona o le leai o ni nei mea e fetosoaiina ai, ua ou maua ai se avanoa lelei e suʻesuʻe ma mafaufau loloto ai i le Afioaga a le Atua. O lenei mea ua faamalosia ai aʻu. Ioe, o le olaga faamisionare o se faamanuiaga moni lava, ma o se puipuiga foi faasaga i le manaʻo tele i mea faitino. I le taimi fiafia o afiafi i le teropika, ua i ai se taimi ua matuā lava e mafaufau loloto ma vaai faaāta loloto ai i foafoaga a Ieova, ma lalata atu ai ia te ia. I afiafi taitasi uma a o ala pea loʻu mafaufau, e oo mai a loʻu fiafia tele ma pe a na o aʻu, e mafai ona ou faaaluina sina taimi ou te savalivali ai i lalo ifo o le lagi vavaloloa ma talanoa atu ia Ieova. Ua matuā tosina atu aʻu e lenei mea ou te latalata atu ai ia Ieova.”
8. E tusa ai ma le nofo fua, o leā na fai mai ai se tuafafine e leʻi faaipoipo, o lē sa tele tausaga o auauna i le ofisa autū a le Sosaiete?
8 E aogā foi ona matau le faamatalaga lenei a se tuafafine nofo fua e tele tausaga o auauna i le ofisa autū o le Watch Tower Society: “Sa ou filifili e ola i se olaga nofo fua i laʻu auaunaga ia Ieova. Pe sa ia te aʻu ea se lagona tuua toatasi? E leai lava. O le mea moni, o ou itula nofo toʻatasi o nisi na o taimi aupito sili ona tāua. E mafai ai ona ou fesootai atu ia Ieova i le tatalo. E mafai ai ona ou olioli e mafaufau loloto ma faia aʻu suʻesuʻega totino e aunoa ma le fevaevaeaiina . . . E tele se sao ua faia e le nofo fua i loʻu olioli.”
9. O ā nisi o faaeaga o le auaunaga atonu e mafai ona olioli ai se Kerisiano nofo fua?
9 E mafai foi e le tagata nofo fua ona talia faaeaga o le auaunaga, na atonu e lē o tālaina atu i tagata faaipipo e i ai tiute faaleaiga. O se faataʻitaʻiga, atonu o loo i ai ni avanoa ina ia auai i le faiva sauatoa e avea o se paeonia, o se vaipanoa loo tele ai le manaoga mo ni tagata faalauiloa o le Malo. Pe e faaeaina foi se tama talavou nofo fua e auauna i le avea o se sui o le aiga Petele i le ofisa autū o le Watch Tower Society po o se ofisa o le lala. O se teine talavou foi e leʻi faaipoipo, atonu e mafai ona ia aufaatasi ma se isi tuafafine matua o nofo fua i le auaunga paeonia i la latou faapotopotoga i le mea o mau ai, po o se isi foi o loo ia i sana oganuu e manaomia ona galueaiina. Ai se ā e lē talanoa ai na mea lelei ma le ovasia matagaluega? I le avea o se Kerisiano e leʻi faaipoiop, ia faaavanoa oe mo le faatelega o le auaunaga mo le viiga o Ieova, ma o le a anoanoai ou faamanuiaga mai ia te ia.—Malaki 3:10.
Faaaʻoaʻoga mai Aso ua Mavae
10. O ai na saunia le faaaʻoaʻoga, sili i le avea o se auauna e leʻi faaipoipo a Ieova, ma ai se ā ua e manatu ai sa sili ona aogā lona nofo fua?
10 O le faaaʻoaaʻoga autū o se auauna e leʻi faaipoipo a Ieova, o Iesu Keriso. Sa naunau atoatoa o ia i le faia o le finagalo o le Atua. “O laʻu mea e ʻai, ia ou faia le finagalo o le na auina mai aʻu, ma faaiu lana galuega,” na fetalai Iesu. (Ioane 4:34) Maeu lona pisi tele—i le talaʻiga, faamalōlōina o maʻi, ma isi lava mea! (Mataio 14:14) Sa naunau faamaoni lava Iesu i tagata, ma sa toʻafilemu lava i luma o tane, o fafine, ma tamaiti. E moni lava, sa fegamalaai solo i lana faiva, atoa foi ma isi sa ō faatasi ma ia i nisi o mea faapitoa. (Luka 8:1-3) A e maeu se figata semanū o le a i ai i lena galuega, pe ana fai e o faatasi ma se avā, ma ni fanau iti! E lē ma fesiligia lava la, o le nofo fua o se matuā avanoa lelei lava i le tulaga o Iesu ia. E mafai foi e se Kerisiano nofo fua i aso nei ona olioli ai i avanoa faapena, a e maise lava pe a valaaulia e folafola atu le feau o le Malo i vaipanoa maotua pe matautia foi.
11, 12. O ā faaaʻoaʻoga lelei o loo taʻua mai mo fafine nofo fua o loo auauna ia Ieova i aso nei?
11 Ae ua iloa foi e isi e aogā le nofo fua ma e tauia. Na ofoina atu e le afafine o Iefata le faataunuuina o le tautoga a lona tamā, i lona tumau pea lea ona nofo fua i totonu o se sosaiete sa matuā faamamafa ai le faaipoipo ma le faia o fanau. Sa ia olioli i lana auaunaga ia Ieova, ma e aogā foi ona matau faapea, sa masani foi ona faamalosiau e lē aunoa i ai isi ia te ia. Ioe, “o lea tausaga ma lea tausaga ua o ai afafine o Isaraelu e vivii i le afafine o Iefata le Kiliata e taifa aso i tausaga.”! (Faamasino 11:34-40) E faapena foi la ona tatau i Kerisiano faaipoipo ma isi ona faaamālo ma faamalosiau i tuafafine nofo fua, o loo auauna ma le loto tetele ia Ieova i aso nei.
12 Na “perofeta” afafine taupou e toʻafa o Filipo. (Galuega 21:8, 9) Atonu pe sa utufia mai e nei teine e leʻi faaipoipo le tele o le loto malie mai la latou auaunaga maelega mo le viiga o Ieova. Pe a faatusatusa atu i ai, e toatele foi tuafafine talavou nofo fua i aso nei ua latou maua se faaeaga tauia, o le auauna lea e avea o ni paeonia, po o ni ē folafola sauatoa o le Malo. E mautinoa lava, ua tatau lava ona tuuina atu ia i latou le faamālo, i le avea o se vaega o le ʻau tau tele o fafine o loo faaalauiloa atu le tala lelei.’—Salamo 68:11.
13. Ua faapefea ona faataʻitaʻia e le tulaga o Paulo faapea, o le nofo fua e mafai ona ave ao se auala tauia o le olaga?
13 Sa iloa e le aposetolo o Paulo o le nofo fua e sili ona aogā. Sa ia faimalaga mo le faitau afe o maila i lana faiva ma fesagaʻi ma le mamafa o faigata, tele mea matautia, e le maua se moe i po, ma le ogotia i le fia ʻai. (2 Korinito 11:23:27) E lē taumatea lava, o nei mea uma atonu semanū e sili atu ona faigata ma mafatia, pe ana faapea na faaipoipo Paulo. A e lē gata i lea semanū e lē faapena foi ona ia maua ona faaeaga e avea a i o se “aposetolo o nuu ese” pe ana faapea e fai sona aiga. (Roma 11:13) E ui lava la i tofotofoga na fesagaʻi ma ia, a e sa muai faaamonia lava e Paulo faapea, o le nofo fua e mafai ona avea o se auala tauia o le olaga.
Faaaʻoaʻoga i Ona Po Nei
14. O ā ni mea tutupu na olioli ai colporteurs (au talaʻi sauatoa) o ē o le toatele lava sa leʻi faaipoipo?
14 E pei o Paulo ma isi uluai Kerisiano sa leʻi faaipoipo, sa faapena foi nisi o tagata o le Atua, o ē na auai i le galuega colporteur (faatalaʻi) (mai le 1881 agaʻi mai ai i luma) o ni tagata nofo fua, e lea ni aiga na ono faalagolago mai ia i latou. Sa latou ō atu ma le loto naunau i aai tetele e lē masani ai, o nuu, ma vaipanoa maotua, e saili i latou o ē loto lelei, ma tuu ai lomiga faale-Tusi Paia ia i latou. Atonu pe malaga i ni nofoa afi, uila vili vae, taavale solofanua, po o taavale foi. A e tele lava ina latou savavli ma le fiafia mai lea i lea fale. (Galuega 20:20, 21) “O nisi taimi latou te faafesuiai (lomiga faale-Tusi Paia) ma mea e maua mai faatoaga, moa, fasimoli ma soo se mea lava, e mafai ona latou faaaogāina pe faatau atu foi i nisi,” na manatua ai e se tasi molimau a Ieova, ma faaopoopo mai: “I nisi taimi, pe afai o le oganuu e vavamamao lava mea e tūtū solo ai fale, latou te nonofo ma tagata faifaatoaga, ma tagata fai lafu manu i se po, ma i nisi taimi e oo lava ina momoe i fale manu . . . O nei tagata faamaoni (o le toatele lava o i latou e lē faaipoipo) sa faaauau pea mo le tele o tausaga seiloga lava ua lē mafaia e o latou tausaga ona toe galulue.” E moni lava, sa tautala se tasi o i latou mo na tagata talaʻi sauatoa o aso ua mavae i le lautele i lona tusi mai faapea: “Sa matou talavou ma fiafia i le auaunaga, sa matuā fiafia e faaaogā lo matou malosi e auauna ai ia Ioa.”
15. Mo le toatele o paeonia e leʻi faaipoipo, o le ā le faitotoa na tatalaina i le 45 tausaga ua mavae na taʻitaʻiiina atu ai i le tele o gaoioiga fai?
15 E toatele paeonia, po o ē sauatoa e folafola le Malo, o taimi ua mavae sa leʻi faaipoipo foi. Sa masani lava ona latou molimau atu i vaipanoa tuese, sa fesoasoani e amataina ni faapotopotoga fou, ma olioli ai i isi faamanuiaga i le auaunaga ia Ieova. Sa ave o se mea fiafia mo nisi o i latou ina ua matala le faitotoa e taʻitaʻiina atu ai i le tele o galuega, ina ua amata ona faagaoioi le Aʻoga Faale_Tusi Paia o le Olomatamata i Kiliata i le 1943 a o aasa pea le Taua ll a le Lalolagi. (1 Korinito 16:9) Ioe, o le toatele o na paeonia e leʻi faaipoipo na aʻoaʻoina faamisionare i le Aʻoga i Kiliata, ma sa leʻi pine a e ō atu e faasalalau atu le feau o le Malo i oganuu fou. Ma le lē saisaitia i ni tiute tau faaipoipoga, na latou faaavanoa ai i latou mo le auaunaga ia Ieova, ma o nisi o na uluaʻi sui o ē na iʻu mai Kiliata, o loo nofo fua pea ma tiotio i le tulaga faamisionare, po o nisi lava auala o le auaunaga sauatoa.
16. O le ā le faamaoniga o i ai faapea, ua iloa e sui e leʻi faaipoipo o le aiga Peteli o le nofo fua o se auala tauia o le olaga?
16 O le toatele o Kerisano e leʻi faaipoipo ua auauna mo le tele o tausaga e avea o ni sui o le aiga Peteli i le ofisa autū o le Sosaiete o le Olomatamata, po o ona lala i isi nofoaga i le lalolagi. Pe ua latou maua e o le nofo fua o e auala tauia o le olaga? Ioe, o le mea moni lava lea. Mo se faataʻitaʻiga, o e uso nofo fua o lē sa auauna i Peteli i Brokklyn mo le tele o tausaga na fai mai a ia: “O le olioli i le vaai atu i le faitau miliona o mekasini ma isi lomiga, o loo tauaveina ai le feau o le Afioga a le Atua e faasalalalu atu ai i tuluʻiga uma o le lalolagi, sa avea o se taui ofoofogia.” Ina ua mavae le 45 tausaga o le auaunaga i Peteli, na faapea mai ai foi se isi uso e leʻi faaipoipo: “O aso uma ou te fesili atu ai i lo tatou Tamā pele faalelagi i le tatalo mo le fesoasoani, ma le atamai ina ia ou tausia ai pea loʻu ola malōlōina faaleagaga atoa foi ma le faaletino, ma ia ou malosi ina ia faaauau ai pea ona ou faia lona finagalo paia . . . Ua ou matuā olioli i se auala faamanuiaina, fiafia ma le tauia o le olaga.”
Faatumauina le Tulaga Mamā o le Nofo Fua
17. O ā fesoasoani e lua e faatumauina ai le tulaga mamā o le nofo fua?
17 O lena e mafai ona avea le nofo fua o le olaga tauia e pei ona faaalia i faaaʻoaʻoga a le Tusi Paia ma faaonapo nei. O le mea moni po o le ā lava le vaitaimi o lou olaga e te fono fua ai, e manaomia lava ona ‘maua lou loto.’ (1 Korinito 7:37) A e o le ā e mafai ona fesoasoani ia te oe, e faatumauina ia lou tulaga mamā a o leʻi faaipoipo? O le Puna silisili o fesoasoani o Ieova, o “Le faafofoga tatalo.” (Salamo 65:2) O lea ia fai ma amio le ole atu ia te ia e lē aunoa. “Ia finafinau i le tatalo,” ia ole atu mo le agaga o le Atua ma lana fesoasoani, i lou faaalia o ona fua, lea e aofia ai le filemu ma le lē gaoia. (Roma 12:12; Luka 11:13; Kalatia 5:22, 23) Ma i lea foi, faatasi ai ma se uiga faatauanau ma ia mafaufau loloto e lē aunoa, ma ia faatatauina pea le fautuaga a le Afioga a le Atua.
18 E faapefea ona fesootai atu le 1 Korinito 14:20 i le tumau o le mamā o se tasi i le avea o se tagata e leʻi faaipoipo?
18 O le isi fesoasoani i le faumuinao le tulaga mamā i le nofo fua, ole aloese lea mia soo se mea e faagaee a ise faalogona malosi e feusuaiga. E manino lava, e aofia ia i lenei mea ata ma faaafiafiaga tau i feusuaiga lē mamā. Na faapea mai Paulo: “Ia outou faatamameamea i le leaga, a ia outou tagata matutua ile mafaufau.” (1 Korinito 14:20) Aua le saili atu i le poto po o mea e tupu ai le leaga, a e faatasi ma le fesoasoani a le Atua, ia tumau ma le poto e peiseai ua le iloa se mea, ma ia mamā e pei o e tamameamea e tusa ai ma lenei tulaga. I le taimi lava foi lea, ia manatua o feusuaiga lē mamā ma le faia o mea sese faaleituaiga e lē tatau i le silafaga a Ieova.
19. O ā mau o loo faasino i isi foi auala ina ia tumau ai le tulaga mamā i le avea o se tagata nofo fua?
19 O le a mafai foi ona fesoasoania oe etumau i le mamā e tusa ai ma lou tulaga lē faaipoipo, pe a leoleoina au aumea po o uo. (1 Korinito 15:33) Ia aloese mai le aufaatasi atu ia i latou, o ē faia feusuaiga ma faaipoipoga o ni vala aupito sili i o latou olaga ma talanoaga. I mea uma lava, ia taofia pe tapunia le tausua i upu faaulaula lē mamā! Na fautua mai Paulo: “A o le faitaaga, ma mea leaga uma, ma le manumanu, aua neʻi taʻua lava ia te outou, e pei ona tatau i e ua paia. O le anovale foi, ma upu faatauvaa, ma le faaulaula, o mea ia e le tatau; a o le faafetai e lelei lava lea.”—Efeso 5:3, 4.
Se Lumanai Tauia
20. O le ā o le a iʻu i ai pe afai e faaaogāina i se auala aupito sili ona lelei tausaga nofo fua o se tasi i le auaunaga ia Ieova?
20 O le tuuina atu o ou tausaga i le avea o se Kerisiano e leʻi faaipoipo, e faaaogā i se auala sili ona tatau i le auaunaga ia Ieova, o le a aumaia ai le loto malie ma le filemu a o e mafaufau i le taimi nei. O le faia faapea, o le a saosaolaumea ai foi i lou taʻumatuaina faaleagaga ma lou tumau ai. Afai e te nofo fua pea seia oo i le iʻuga o lenei faiga o mea ona o le Malo, o le laē faagaloina e Ieova au taumafaiga faataulagaina i lana auaunaga paia.
21. Afai o le a e faaipoipo ina ua mavae se vaitaimi o le tualaga mamā ma le tauia o lou nofo fua, faatasi ma le ā o le a faapea ai ona e ulu atu i se noataga tau faaipoipoga?
21 Afai e te tulimataʻia pea ma le filigā mea o le Malo i le avea o oe o se tane po o se fafine e leʻi faaipoipo, o le a e olioli i le tele o faamanuiaga. (Faataoto 10:22) Afai la o le a e faaipoipo i tausaga mulimuli ane o lou olaga, o le a e ulu atu loa i le noataga tau faaipoipoga a e ua lava le poto masani ma se talaaga faaoaina faaleagaga. E lē gata i lea o le mulimuli atu i fautuaga a le Tusi Paia, o le a e filifili ai se paaga ua tuuina atu atoatoa e tausisia le faamaoni, o sē o le a fesoasoani ia te oe e auauna faamaoni i le Atua. I le taimi nei, e mafai ona e maua le nofo fua o se auala tauia o le olaga i le auaunaga ia Ieova lo tatou Atua alofa.
O le a Faapefea ona E Tali?
◻ I totonu o auauna a Ieova, o ā nisi o taui o le tulaga mamā o le nofo fua?
◻ O ā ni faaaʻoaʻoga faale-Tusia Paia e faaalia ai e mafai ona tauia le nofo fua?
◻ I aso nei, o ā faaaʻoaʻoga o le tauia o le nofo fua o ia i tatou?
◻ O le ā e mafai ona fesoasoani i se Kerisiano, ina ia tumau ai i le tulaga mamā a o leʻi faaipoipo?
[Pusa i le itulau 19]
Fesoasoani i le Faatumauina o le Tulaga Mamā o le Nofo Fua
◆Tatalo e lē aunoa mo le agaga o le Atua ma lana fesoasoani i le faaalia o ona fua
◆Mafaufau loloto i ai ma faatatau pea fautuaga a le Afioga a le Atua
◆Aloʻese mai tusiata tau i feusuaiga ma faafiafiaga lē mamā tau amio
◆Leoleo au aumea po o uo
◆Aua le tausua i upu masoā ma upu faaulaula lē mamā
[Ata i le itulau 19]
Na iloa e le afafine o Iefata, le aposetolo o Paulo, ma isi auauna a Ieova faapea, o le nofo fua o se auala tauia o le olaga. E mafai ona e faia faapena?