Sapaitaliaina a Tatou Paeonia
1 O aumea faigaluega mo le Malo o le Atua e faamalosiau le tasi i le isi. (Kolo. 4:11) Pe a tatou manatunatu faapea o le galuega autū a le faapotopotoga Kerisiano o le talaʻia o le tala lelei, ua iai la mafuaaga lē mafaafitia e sapaitalia ai ē o loo galulue faataimi atoa i lo tatou lotolotoi.—Mare. 13:10; Roma 16:2; Fili. 4:3.
AISEĀ?
2 I se auala tuusaʻo, o loo atiina aʻe e paeonia le faapotopotoga i le galulue i vala eseese o le galuega talaʻi faatasi ma tagata talaʻi e itiiti le tomai. E aofia i lenei le molimau atu ma mekasini, le sauniunia ma le faia o toe asiga, atoa ma le amataina ma faafoeina ma le uigā o suesuega faale-Tusi Paia i aiga. E faaopoopo i lena, e mafai e paeonia ona faataatia se faaaʻoaʻoga i le molimau lē fuafuaina ma le lototele. O lo latou lagolagoina o faatatauga o le molimau i vaega i le ogatotonu o le vaiaso, latou te gafatia ai le avanoa e fesoasoani ai i isi. E mafai ona logo i tino la latou taaʻiga maumauai i le fanua ae maise lava pe a lagolagoina e paeonia le auaunaga i le fanua i le faaiʻuga o le vaiaso, o se taimi e toatele ai isi tagata talaʻi e mafai ona auai.
3 E fesoasoani paeonia i faapotopotoga ia maeʻaeʻa ma faifai pea ona ufitia le oganuu. I lenei o le a mafai ai e tagata ona oo ina masani lelei ma la tatou feau ma ia atili ai ona lagona saoloto pe a tatou asiasi atu ia i latou ona ua latou silafia po o ai i tatou. O le tele o itula o loo faaaluina e paeonia i le oganuu e tuu ai tusi i tagata fiafia ma galueaina le naunau—o lona uiga, e totoina ma faasūsūina fatu o le upu moni—ua na ona iʻu ai i se oganuu ua atili ona fuatele mai.—1 Kori. 3:6.
I LE FAAPOTOPOTOGA
4 E toatele ua faalaeiauina ia ulu atu i le auaunaga faataimi atoa ona ua pāʻia o latou loto i le maelega ma le aʻasa o paeonia faamaoni. Sa faatalatū se tasi o tuafafine e uiga i le avea ma paeonia sauatoa ona e aunoa ma se paeonia i le faapotopotoga. Ae ina ua faalaeiau e le ovasia matagaluega, na ia alu loa ma tusi lona igoa. E leʻi mamao ae mulimuli atu ai isi, ma ua iai nei i lena faapotopotoga se numera tele o paeonia maelega.
5 E iai taimi atonu o le a talosaga ai e toeaina se paeonia e fesoasoani i se tagata ua oo ina lē talaʻi pea pe lē toe talaʻi. O lenei fesoasoani e mafai ona aofia ai le faafoeina o se suesuega faale-Tusi Paia ma sea tagata. I lea, e mafai ai ona saosaolaumea le faatuatua ma le maelega o le paeonia e faafouina le alofa o le tagata mo le upu moni ma fesoasoani e toe faagaoioia o ia e galue i le faataunuuina o le matafaioi o lona tuuina atu.—1 Tesa. 5:14.
FAALAEIAU I PAEONIA
6 O paeonia, a o faatinoina le anoanoai e faalaeiau ai isi, latou te manaomia foi faalaeiauga ina ia faaauau ai ma le olioli i la latou auaunaga. (Roma 1:12) Pe e te tautala ma le maumauai e uiga i le faiva faapaeonia? O anafea le taimi mulimuli na e faamālō ai i se paeonia mo lana galuega ma le agaga faataulagaina totino? E faapitoa ona sapaitalia e paeonia le iai o se tasi la te galulue faatasi i le auaunaga i le fanua i itula foi ia o le aso e toaitiiti ai le au talaʻi e ō atu. Faamata e mafai ona tou ō ma paeonia ma ono faaaluina ni itula uumi i le lagolagoina o le galuega talaʻi?
7 O ā nisi auala e mafai ona e faalaeiau ai i paeonia? E ese mai le avatu o se faamālō, e mafai ona e faaleoina lou sapaitalia mo na tagata galulue mamafa i se auala faatino i le faiʻaiga faatasi ma i latou, tauofo e fesoasoani ia i latou i a latou tupe faaalu i femalagaiga, ma i isi auala e lagolagoina ai i latou a o e mafaia.—Faatusatusa 1 Tesalonia 5:12, 13.
8 Faatasi ma le taʻimua a toeaina ma auauna o le faiva i le faapotopotoga, o le a avatua e paeonia ma tagata talaʻi le lagolagosua atoatoa i faatatauga ua faamaopoopo lelei mo le auaunaga. Ona faapea lea ona faaaogāina ai e i tatou uma lava meaalofa ua ia i tatou ia “auauna o le tasi i le tasi.”—1 Pete. 4:10, 11.