Faamanatuga mo le Failautusi ma le Ovasia o le Auaunaga

I tausaga taitasi, e tuuina atu ai i le lomiga o La Tatou Faiva o le Malo faatonuga mo le failautusi ma le ovasia o le auaunaga ina ia “autalu galuega a paeonia sauatoa uma.” O le ā le fuafuaga mo lenei autaluga? Ina ia iloa ai po o ai e ono manaomia se fesoasoani ina ia ausia itula manaomia a o leʻi faaiuina le tausaga faaleauaunaga.

O paeonia sauatoa e manaomia ona tuuina atu le 1,000 itula i le faiva i tausaga taitasi. E oo atu i le faaiuga o Fepuari, ua iloa e nisi paeonia, ua latou lē ausia itula manaomia, ma o lenei mea e ono iu ai ina lotovaivai. E masani lava ona fesoasoani atu toeaina i paeonia, i le avatua o faalaeiauga ma fautuaga aogā ia i latou. O le faia o lenei mea e mafai ai ona iloa le eseesega o paeonia e taulau manuia i le ausia o o latou itula manaomia mo le tausaga, po o le faamutaina o la latou auaunaga faapaeonia.

E mautinoa lava o le a talisapaia e paeonia le naunau moni o toeaina e faatatau i lenei tulaga. O le a maua ai foi e le faapotopotoga ni aogā mai le iai o ni paeonia o ē e fiafia i la latou faiva, e ala lea i le pipiimau atu ma le faamaoni i o latou tofiga.