Taulimaina o le Tala Lelei—I le Felafolafoai Ma Tagata
1 E tusa ai ma se lomifefiloi, o le felafolafoai o se “fefaaaliaiga i upu o lagona, suesuega, taofi, po o manatu.” Ae e mafai faapefea ona e amata se felafolafoaiga e faavae i le Tusi Paia pe afai e tetee i lotu tagata tou te feiloai pe tuatuagia ia latou lava meafai? Sa siligia e Iesu fesili ina ia faaaafia ai lana au faalogologo.—Ioane 4:9-15, 41, 42.
2 E ao ona tatou tatalo faatauanau i le Atua e fesoasoani mai ia i tatou ia maua tagata loto faamaoni ma tatalaina ai le auala tatou te felafolafoai ai ma i latou. O le a faigofie le molimau atu pe afai tatou te manatu i tagata o aiga taitoatasi o se auauna a Ieova i le lumanai. E fesoasoani lenei lagona faalemafaufau ia i tatou e molioo atu ai le upu moni i se auala mafana, ma moni o le a faapea ona tosina mai ai ē naunau.
FAAAOGĀ MEA UA IA I TATOU
3 Ua ofoina mai e le tusi Reasoning le anoanoai o faatomuaga e sili ona lelei i itulau e 9-15. O le tele o ia faatomuaga ua faaaogā ai ma le uigā fesili. A tali mai lē ona le fale i se fesili, faalogologo ma le lē gasē ona tali atu lea i se auala e faaailoa ai i lē ona le fale tatou te manatu i le mea ua ia taʻua.—Kolo. 4:6.
4 O le mea moni, a e siligia se fesili, e te lē iloa pe o le a faapefea ona tali mai lē ona le fale. Ia sauni e fetuutuunai le lua talanoaga e tusa ma le tali. Taumafai e faaauau pea le felafolafoaiga i le faailoa atu o nisi faamatalaga mai le Tusi Paia e fitoi tonu ma ona faanaunauga ma i le siligia atili o fesili faatupu manatu.
SAUNIUNI MAMAO
5 Atonu ua maeʻa ona e silafia manatu lautele o tagata i lau oganuu. Afai o lea, fili la ni faatomuaga i le tusi Reasoning o le a sili atu ona uigā i lau oganuu patino. I le fetuunaia o se tasi o ia faatomuaga ma le Mataupu mo Talaonaga o loo iai atonu ua na o lea le mea o loo e manaomia. Amata le lua felafolafoaiga i mea e te talitonu o loo fai ma pona i lē ona le fale, taulimaina puupuu le faafitauli, ma tataʻi ai i le vaifofō mai le Tusi Paia. A faaali mai sona lafo, ia maumauai ona faamālō i ai, aua le soona faitio, i mea ua ia taʻua. O lou naunau i ona manatu ma faalogona e ao ona faalaeiauina ai o ia e faaauau ona lua felafolafoai. Taumafai e vaili manatu e ioe i ai ona talanoaina lea. Ia maumauai pea le felafolafoaiga i le faamamafaina o faamanuiaga o le Malo o se vaifofō a le Tusi Paia mo faafitauli o le tagata.
6 Manatu i taofi e eseese ai o ni ki i le faaauauina o le felafolafoaiga. Afai e loto malie lē ona le fale e fefaaaliai, atonu e te fesili atu, “Sa e tau manatu ea i ai mai lenei tulaga?” Ona faasino lea i le mea ua fai mai le Afioga a le Atua i le mataupu. Afai e te iloa e lē o mau manatu le tagata, aua neʻi tausisi faapea ua ia talia le mea na e taʻua. Na i lo lea, faaiʻu i se faamatalaga faaleuō, e tuu faaavanoa ai le ala mo se avanoa i le lumanai e momoli atu ai le tala lelei ia te ia.—Faata. 12:8, 18.
7 O nisi tagata e sili atu lo latou fia lafolafo pe a tou feiloai faasamasamanoa ma i latou. Aua le faatautū e amata felafolafoaiga ma tagata tou te feiloai i le auala po o ē faigaluega pe malōlō i o latou lotoā. Atonu latou te talia lou naunau moni i a latou gaoioiga, ma ono mafai ai ona ē tataʻia le felafolafoaiga i se talanoaga o le folafolaga a le Tusi Paia e faapea ua toe o se aga avea le lalolagi ma parataiso. A e amataina se felafolafoaiga, taumafai ia avea o se mea e logoleleia i lē ona le fale. I se mamao e faalagolago ia te oe, tuua le tagata ma se uiga ua fiafia atili agaʻi i le Atua, lana Afioga, ma ana auauna. I lenei auala, e tusa lava pe e te lē taulau muamua i le pāʻia o lona loto, atonu o le a sili atu ona ia talia i se isi taimi e asiasi ane ai se Molimau.