Se Manatu Aogā i Sauniuniga mo le Auaunaga i le Fanua
1 Pe e te faatalatū i nisi taimi e auai i nisi o vala o le auaunaga i le fanua ona o le lē iloa o le mea e fai atu ai? Afai o e faapena, matou te mautinoa o le a e talisapaia le manatu ua saunia i La Tatou Faiva o le Malo.
2 E amata i lenei lomiga, o le a ofoina atu ai e La Tatou Faiva o le Malo le matalasi o faufautuaga e sili atu mo le taulimaina o le feau o le Malo, pe i lea fale ma lea fale, i se toe asiga, po o se suesuega faale-Tusi Paia. E ao i ia manatu ona faagaeeina ai lou mafaufau i faamatalaga o le a e manao e faaaogāina i le faiva. Pe a sauniuni mo le faiva, ia filifilia se taulimaga e fetaui lelei ma lau oganuu. O le mea e sosoo ai, filifili pe o le a e faaaogāina faaupuga ua fautuaina i le mataupu pe o le a e fetuunaia faaupuga ina ia fetaui ai ma tulaga i le oganuu po o lou lava tagata. Atonu e sili atu ona faatalatalanoa lau taulimaga pe afai e te faaleoina i au lava upu e masani ai. Pe e te manao e faalautele lau faiva i nisi o auala, atonu i le auai i nisi o vala mo le taimi muamua? O faufautuaga auiliili ua ofoina atu atonu o le mea tonu lena o loo e manaomia ina ia amata ai.
3 Afai e te faafoeina se tasi o faatasiga a le faapotopotoga mo le auaunaga i le fanua, e ao ona matuā faamasani lelei ma le mataupu ua lomia i La Tatou Faiva o le Malo. Ia matuā suesue lelei lau kopi, ma tataʻi atu manatu i faufautuaga na atonu e foliga mai e aogā i le oganuu.
4 Tatou te olioli uma lava ona o mea tatou te faia lelei. Matou te faamoemoe o le a fesoasoani lenei manatu aogā e lē gata i ē fou ae faapea foi ma tagata talaʻi agavaa ina ia uigā ma olioli ai i la latou faiva o le Malo.