Ia Avea ma Paeonia Lagolago ia Tesema
1 Ua lelei mo i tatou uma ona fesili ifo ia i tatou lava: ‘O le ā le tele o le a avea ai aʻu o sē faasusulu atu le malamalama ia Tesema? Pe e mafai ea ona avea aʻu ma paeonia lagolago?’—Mata. 5:14,16.
2 O ē talavou ua papatisoina, e masani lava ona iai so latou taimi avanoa pe a tuua aʻoga i le vaitaimi o malōlōga. Atonu e mafai e nisi o mātua ma isi tagata talaʻi matutua ona auai ma i latou ia i se auaunaga faalauteleina i le fanua i lena masina. O le a faapena foi ona iai sina taimi faaopoopo o ē galulue faataimi atoa e tuuina atu i lenei faiva faasaoola.
3 O se itu autū ina ia mafai ai ona avea ma paeonia lagolago, o lo tatou loto malilie lea e faamuamua se taumafaiga faaopoopo e manaomia. (Luka 13:24) Afai tatou te fuafuaina ma le faaeteete a tatou gaoioiga, e aofia ai mataupu faaleaiga ma mataupu faalefaapotopotoga, ona mafai lea ona maua le taimi tatou te ono tofo ai i le olioli o le avea ma paeonia lagolago.
4 Po o le a mafai ea ona e faalauteleina lau faiva ia Tesema? O le faia faapea, e mafai ona fesoasoani ai ia te oe ina ia lagona le toʻa atili i fale ma iʻu ai i ni mea tutupu e faalaeiauina ai. O le a mafai ai ona fai mo oe le fiafiaga e sili atu.—Galu. 20:35.