Tala Faatiokarate

Bosnia ma Herzegovina: Na taunuu ane uta o meaalofa mo faalavelave faafuaseʻi mai uso i Oseteria ma Croatia. Ae peitai, na sosola ese se vaega o tagata talaʻi mai lenei vaipanoa ua faatamaʻia i taua.

Fiti: E toʻa 3,890, na auai i polokalama o fono o aso faapitoa, ua sili atu lea i lo le faaluaina o le aofai e 1,404 o tagata talaʻi na lipotia mai ia Setema.

Iapani: O le tumutumuga fou o le au talaʻi ia Setema e 172,512.

Niger: Sa fiafia uso e amataina le tausaga fou faaleauaunaga i ni tumutumuga fou o le 169 le au talaʻi ma le 3,252 o toe asiga.

Réunion: Sa iai se tumutumuga fou o le au talaʻi e 2,113 ia Setema, ma na lipotia mai foi ni tumutumuga fou i toe asiga ma suesuega faale-Tusi Paia.

Swaziland: O se tumutumuga fou e 1,543 o le au talaʻi na ausia ia Setema, ma o le fua faatatau o itula a le au talaʻi a le faapotopotoga i le auaunaga i le fanua e 13.8 itula a le tagata talaʻi e toatasi.