Sauniuniga mo le Faamanatuga

Po ua taʻu atu i tagata uma, e aofia ai le failauga, le taimi tonu ma le nofoaga o le faamanatuga? Po o iai se auala o le failauga?

Po ua faia ni fuafuaga maʻoti mo le mauaina o le areto ma le uaina, ma ia iai i le nofoaga o le a faia ai le faamanatuga i le taimi tonu?

Po ua faia ni fuafuaga ina ia leva ona mautū le iai o se laulau a o leʻi oo i le taimi o le sauniga, ma ua iai se ielaulau mamā, ma lava foi ipumalamalama ma ipumafolafola?

O ā fuafuaga ua faia mo le faamamāina o le Maota o le Malo a o leʻi oo i le taimi?

Po ua tofia ni au tautua ma ē tautū? Po ua faatulaga se feiloaiga ma i latou a o leʻi oo i le Faamanatuga, ina ia talanoaina ai o latou tiutefai? O afea? O le ā le faagasologa e sosoo mai ai ina ia mautinoa ua maeʻaeʻa lelei le tautuaina o tagata uma?

Po ua maeʻa ona fai ni fuafuaga e fesoasoani ai i tagata matutua ma uso ma tuafāfine o loo mamaʻi? Po ua faia ni fuafuaga ina ia tautuaina ai so o se tasi o ē faauuina atonu ua faataotolia ma lē mafai ai ona auai faatasi ma le faapotopotoga?