Ia Galueaiina Maeʻaeʻa Lau Oganuu
1 I vaipanoa e nonofo ai tagata e tatou te tau atu ai i nisi taimi i se pisinisi laitiiti, e pei o se faleoloa e faatau ai meaʻai, faleʻaiga, po o se faleoloa e faatau ai so o se mea. Afai e aofia ai i le oganuu lenei ia nofoaga, e tatau la ona e asiasi atu i ai e pei lava ona faia i fale o aiga.
2 E mafai ona e faaaogā se taulimaga puupuu faigofie, atonu i le faapea atu: “O loo ia te au se mea ou te fia faailoa atu ia te oe.” Afai e foliga mai e pisi le pule i lena taimi, e mafai ona tau ina e ofo i ai se sāvali ma faapea atu: “Ou te toe afe mai i se taimi pe a e lē pisi. Ou te fia iloa po o le ā sou manatu e uiga i lenei sāvali.”
3 E lē tatau ona iai se lagona soona popole vale i le faia o lenei galuega molimau atu i faatauoloa. Na lipotia mai e se tasi tagata talaʻi e faapea: “Sa ou faapea lava o le a lē tali lelei mai. Ae peitai, ua faateʻia aʻu, ona sa matuā tuufaafeagai lava le tali mai i le feau o le Malo. Sa matuā faaaloalo ma faaleuo moni i latou, e toeitiiti lava o le tele o taimi, e talia ai mekasini.”
4 Sa valaaulia e se fafine e galue i se kamupanī e faatau ai fanua ma fale le Molimau i totonu o lona ofisa. Sa ia talia mekasini ma faaalia le naunau e faia se suesuega faale-Tusi Paia. Sa faailoa atu ia te ia le tusi o Le Poto, ma na amata ai lava i le taimi lena se suesuega i lona ofisa!
5 O le tofiga ina ia galueaiina maeʻaeʻa lau oganuu e aofia ai le asiasia o tagata taitoatasi o ē faia ni pisinisi i le vaipanoa. (Galu. 10:42) Ia fuafua e asiasi atu i nei fale e pei lava ona faia i fale totino o aiga. O le a lē gata ina lelei ai le galueaiina maeʻaeʻa o lau oganuu, ae e mafai foi ona tauia ai oe i ni mea fiafia e te oo i ai!