Po o Iai Sau Ota Faatulagaina o Mekasini?
1 Pe na iai ea se taimi na e alu ai i se faatasiga mo le auaunaga i le fanua ma iloa ai e lē o iai ni au mekasini i lau ato talaʻi? Ia, manatua le faaopoopoga o La Tatou Faiva o le Malo o Setema 1995, lea na faaulutalaina e faapea “Ia Faaaogā i se Auala e Sili ona Lelei a Tatou Mekasini.” Ua taʻu mai e le faaopoopoga ia i tatou ina “ia iai se ota mautinoa o mekasini,” ua faapea mai: “Ia fai se ota mautū i le uso lea na te taulimaina mekasini mo se aofaiga maʻoti o kopi o lomiga taitasi. I le auala lenei, o le a maua ai e lē aunoa e oe ma lou aiga se sapalai ua lava o mekasini.” Pe sa e faia ea faapea?
2 Aisea e lē talosagaina ai se ota faatulagaina mo mekasini? O le a e lagona ai le iai o se tiute tauave e sili atu o le tufatufaina lea o mekasini i lea vaiaso mai lea vaiaso, ma o le a e tofo ai i le faateleina o le olioli i le faia faapea. Pe afai ua uma ona iai sau ota faatulagaina, ia toe fuafua pe faamata o e mauaina le aofaiga lea e te manaomia mo le masina i le faiva. O le mea moni, tatou te mananao e faamaoni i le aveina o a tatou ota i taimi uma e taunuu mai ai mekasini ma e tatau ona lagona le avea ma tiute tauave le faia faapea. Pe afai o le a e toesea mai le faapotopotoga mo se taimi umi, e ao ona faailoa atu i le auauna o gafa ma mekasini pe afai e te manao e tuuina atu au mekasini i se isi tagata na te faaaogaina seia e toe taliu mai.
3 O le faaopoopoga lava lea na sii mai luga na taʻua ai faapea e tatau ona “faatulaga se aso mo le tufaina o mekasini e lē aunoa.” Pe e mafai ea ona e lagolagoina le Aso Mekasini faalevaiaso? E pei ona faaalia i le 1999 Calendar of Jehovah’s Witnesses, e faia le galuega mekasini i Aso Toonai uma o le tausaga! Aua le manatu māmā i le tāua o le tufatufaina o Le Olomatamata ma le Ala Mai! Pe a tatou faia se taumafaiga e faia ai se sao atoatoa i le galuega mekasini, o lona uiga ua tatou ‘tala atu le tala lelei’ i o tatou tuaoi.—Isa. 52:7.