Le Tala e Fai Atu e Uiga i Mekasini

Le Olomatamata Sete. 1

“E toʻatele tagata i aso nei o loo popole e uiga i le faateleina o faiga sauā i le lalolagi. Po o tagata po o se malosi e sili atu o loo lagolagoina le talafaasolopito o faiga sauā ma le feitagaʻi o le fanau a tagata? [Faatali mo se tali.] I le toʻatele o tagata, e talitonu e iai moni lava se tiapolo, a o isi, ua na o se manatu faanuupō. Ou te mautinoa, o le a matuā faamalamalamaina oe i lenei mekasini.”

Ala Mai! Iulai-Setema

“I tausaga ua mavae i nei motu, sa faigofie atu le olaga ma sa faifai mālie lava le gasologa o le olaga. Pe e te ioe ua televave naʻuā le olaga ua pei lava o atunuu i fafo? [Faatali mo se tali.] Ua talanoaina i lenei mekasini auala e tausisia ai pea le uigā o le olaga ma maua ai foʻi taimi aogā mo le aiga, uō, ma mo le tagata lava ia.”

Le Olomatamata Sete. 15

“E toetoe lava o lotu uma e iai tagata e alolofa i le upu moni. Ae peitaʻi, i se tulaga lautele, ua tauau ina fevaevaeaʻi tagata ona o lotu. O le ā e manaʻomia ina ia autasia ai tagata lotofaamaoni? [Pe a uma ona fai mai se tali, ona faitau lea o le Sefanaia 3:9.] Ua faailoa mai i lenei mekasini le auala ua autasia ai e le poto e uiga i le Atua moni ia tagata i so o se vaipanoa lava.”

Awake! Sete. 22

“O le toʻatele o i tatou ua manatu lava e faapea o le a tele pea meaʻai e aai ai. Ae i le taimi nei, ua iai popolega ina neʻi faalētonu le maua pea o a tatou meaʻai ona o gaoioiga faasaienisi. Ua faamatalaina e lenei mekasini nisi o na popolega faapea ma le faamoemoe o le Tusi Paia mo se vaifofō moni i le faafitauli.”