Le Tala e Fai Atu e Uiga i Mekasini

Le Olomatamata Fepu. 1

“O le toʻatele o i tatou e taumafai e tausia lelei lo tatou soifua mālōlōina faaletino. Ae peitaʻi, ua faaalia i suʻesuʻega talu ai nei e faapea, e aafia foʻi lo tatou ola lelei i lo tatou tulaga faaleagaga. O le ā sou manatu, faamata e moni lenei mea? [Faatali mo se tali. Ona faitau lea o le Isaia 48:17, 18.] O loo talanoaina i lenei lomiga o Le Olomatamata le auala e mafai ona faamalieina ai o tatou manaʻoga faaleagaga.”

Awake! Fepu. 8

“E toʻatele tagata i aso nei o loo pisi o latou olaga ma o loo sili ona manaʻomia ni taimi e mālōlō ai. Atonu e te ioe i upu nei na tusia i le silia ma le 3,000 tausaga ua mavae. [Faitau le Failauga 4:6. Ona tuu lea o le avanoa mo se tali.] Ua aumaia i le lomiga lenei o le Awake! ni faamatalaga aogā e iloa ai ma auala e faafetaiaʻia ai le faafitauli o le lē lava o le mālōlōga po o le moe.”

Le Olomatamata Fepu. 15

“Ua toʻatele tagata ua lē mautonu ona o mea leaga ua faia i le igoa o lotu. Ua lagona e nisi faapea o lotu o le aa lea i faafitauli o tagata. Pe sa e taumānatu ea i lenei mea? [Faatali mo se tali. Ona faitau lea o le Faaaliga 18:24.] O loo iloiloina e lenei mekasini le mea o loo fai mai ai le Tusi Paia e faatatau i lenei mataupu.”

Ala Mai! Ianu.-Mati

“E toʻatele tagata ua faapea mai o Kerisiano o loo latou tapuaʻi i le Atua, e lē taumatea e faapena foʻi oe a ea? O le ā sou taofi, o ai le suafa o le Atua o loo e tapuaʻi i ai? [Faatali mo se tali.] Mātau mai faamolemole po o ai le suafa o le Atua lea o loo taʻua i le Salamo 83:18. I le itulau e 14-17 o lenei mekasini o le a faamatala atu iā te oe po o ai o ia, ma aiseā e tāua ai le faaaogāina o lenei suafa.”