Le Tala e Fai Atu e Uiga i Mekasini

Le Olomatamata Fepu. 1

“O loo faanaunau tagata ina ia ola i ni olaga manuia i le tulaga faaletino faapea foʻi ma le faaleagaga. Pe faamata e mafai moni ona maua lea ituaiga olaga? [Faatali mo se tali. Ona faitau lea o le Failauga 5:18-20.] O loo iloiloina i le mekasini lenei faaaʻoaʻoga o tane ma fafine faamaoni na mauʻoa faaletino, faapea foʻi ma lamatiaga e mafai ona oo i ai pe a sesē le vaaiga i le mauaina o le tamaoaiga.”

Ala Mai! Ianu.-Mati

“Ua toʻatele tagata i aso nei ua ola ma le fefefe ona o le faateteleina o le amioleaga. O le ā sou manatu, pe faamata e iai se taimi o le a mafai ai ona ola tagata e aunoa ma le fefefe? [Faatali mo se tali. Faitau le Isaia 11:9, Sala. 37:9-11.] O loo talanoaina i le mekasini lenei nisi o māfuaaga ua ola fefefe ai tagata, ma le taimi o le a tatou saʻoloto atoatoa ai mai lenei lagona mataʻutia o le fefe.”

Le Olomatamata Fepu. 15

“Ua fesili nisi tagata pe e tatou te manaʻomia moni le Mesia i o tatou olaga. Ae o le ā sou finagalo? [Faatali mo se tali. Faitau 1 Ioane 3:8; Epe. 2:14, 15] O loo faamatalaina i le mataupu lenei le matafaioi tāua a le Mesia, faapea ma aogā e tatou te maua mai i mea na ia fai a o iai i le lalolagi.”

Ala Mai! Ianu.-Mati

“Ua faatumulia toese i le tele o pagota solitulafono. O le ā sou manatu, faamata e iai se fesoasoani e mafai ona fai iā i latou o loo i toese ina ia mafai ai ona faia ni suiga i o latou olaga? [Faatali mo se tali. Ona faitau lea o le Ioane 8:32; 2 No. 33:12, 13.] O loo talanoaina i le mekasini lenei faataʻitaʻiga o olaga mataʻutia na iai nisi o pagota ma le auala na mafai ai ona suia o latou olaga.” Itu. 20, 21.