Le Tala e Fai Atu e Uiga i Mekasini

Le Olomatamata Fepu. 15

“Ua manatu le toʻatele ua faaleagaina e tagata lo tatou siʻosiʻomaga. Po o e popole i lea tulaga? [Faatali mo se tali.] Seʻi mātau mai lenei folafolaga mautinoa. [Faitau le Faaaliga 11:18.] O loo faamatala i lenei mekasini vala e mataʻina ai lo tatou paneta. O loo taʻua ai foʻi manatu o le Tusi Paia i le mea o le a tupu i le lalolagi i le lumanaʻi.”

Ala Mai! Ianu.-Mati

“Ua tele ālā ata o le televise i lenei vaitaimi i lo tatou atunuu. Po o e popole i aafiaga o le televise i lou aiga? [Faatali mo se tali.] Seʻi manatu i lenei fautuaga mai le Faataoto 14:15. [Faitau.] O loo talanoaina i le mekasini lenei fautuaga aogā i le auala e pulea ai le matamata TV.” Itu. 8 ma le 9.

Le Olomatamata Mati 1

“E toʻatele tagata e manatu e talia e le Atua lotu uma. Faamata e afāina po o le ā le lotu tatou te lolotu ai? [Faatali mo se tali.] Seʻi mātau mai le fautuaga lenei. [Faitau 1 Ioane 4:1.] O loo talanoaina i le mekasini lenei le auala e iloilo ai aʻoaʻoga pe e mai i le Atua. O loo faamatala ai foʻi le amataga mai o lotu eseese.”

Ala Mai! Ianu.-Mati

“E toʻatele tagata e manatu ua faalēaogā e le faasaienisi faamatalaga a le Tusi Paia e tusa ai o le foafoaga o le lalolagi. O le ā sou taofi, pe feteenaʻi le tala a le Kenese ma le faasaienisi? [Faatali mo se tali.] O loo taʻua i lenei mau le foafoaina o le lalolagi. [Faitau Kenese 1:1] O loo faamatala atili i lenei mekasini faamaoniga a saienitisi e lagolago ai na foafoaina le lalolagi.” Itu. 10-12.