Le Tala e Fai Atu e Uiga i Mekasini

Le Olomatamata Mati 1

“Sa iai se taimi na fesiligia ai Iesu e faapea: ‘Po o lē fea poloaʻiga e sili i poloaʻiga uma?’ Mātau lana tali. [Faitau le Mareko 12:29, 30.] Pe na e taumānatu ea i le uiga moni o le tali a Iesu? [Faatali mo se tali.] O le mataupu lenei ‘Le Auala Tatou te Faaalia ai le Alofa i le Atua’ o loo iloiloina ai le uiga o na upu taʻutaʻua a Iesu.”

Ala Mai! Ianu.-Mati

“E tatou te maofa i le tomai o loo i meaola e fesootaʻi ai. Ae e te silafia e iai nisi o itu e sili atu ai ona tutasi le tagata? [Tuu le avanoa mo se tali. Ona faitau lea o le Salamo 65:2.] Ona e tatou te lē pei o meaola, tatou te faanaunau ai e fesootaʻi atu i le Atua. O loo talanoaina i lenei mekasini le auala e mafai ai ona tatou faia ni fesootaʻiga lelei e lē gata i tagata ae faapea foʻi ma le Atua.”

Le Olomatamata Mati 15

“E matou te mananaʻo e valaaulia oe i le faamanatuga o le Talisuaga Afiafi a le Alii i le Aso Sa, Aperila 4. [Faamatala le faaaogāina o tua o le mekasini po o le tusi valaaulia ua tāina o le Faamanatuga. Ona faitau lea o le Luka 22:19.] O mataupu amata o lenei lomiga o Le Olomatamata o loo faamatalaina ai le uiga o lenei mea na tupu ma le auala e faamanatuina ai.”

Awake! Mati 22

Pe a uma ona taʻua se mea mataʻutia na tupu o loo iai pea i mafaufau o tagata, fesili atu i ai: “Pe na e tau mānatu ea pe aiseā ua faataga ai e le Atua nei mea e tutupu? [Faatali mo se tali. Ona faitau lea o le Iakopo 1:13.] O lenei mataupu ua lomia faapitoa lava mo talavou, o loo faamatalaina ai le māfuaaga ua lē faalaa mai ai loa Lē e alofa na Foafoaina i tatou e faamutaina mafatiaga o tagata.”