Le Tala e Fai Atu e Uiga i Mekasini

Le Olomatamata Me 1

“O taumafaiga ina ia faaleleia le tulaga o tagata, ua oo ai ina lagolagoina e nisi o taʻitaʻi lotu faiga faaupufai o malo. Peitaʻi, seʻi mātau le mea na faia e Iesu ina ua mananaʻo tagata e fai o ia ma tupu. [Faitau le Ioane 6:15.] Sa taulaʻi atu Iesu i se mea o le a aumai ai le lelei tumau i isi. O loo talanoaina i lenei mekasini po o le ā lenā mea.”

Awake! Me 8

“E toʻatele tagata o loo fesagaʻi ma tulaga faigatā i galuega. O nisi ua faasoesa i ai tagata latou te faigaluega. Pe e te silafia o loo iai i le Tusi Paia fautuaga e fesoasoani iā i tatou e faafetaiaʻia ai tulaga faapena? [Faatali mo se tali. Ona faitau lea o le Faataoto 15:1.] O loo ofoina mai e lenei mekasini ni fautuaga aogā i le auala e tausia ai le filemu ma isi i galuega.”

Le Olomatamata Me 15

“Pe sa e taumānatu po o aafia le Atua i mea o loo faia e tagata i le lalolagi? [Faatali mo se tali.] Seʻi mātau po ua faapefea ona aafia le Atua i a tatou gaoioiga. [Faitau le Faataoto 27:11.] Ua talanoaina i le mekasini lenei nisi o tagata na faafiafiaina le finagalo o le Atua, ma o loo faamatalaina ai le auala e mafai foʻi ona faia ai faapea.”

Ala Mai! Ape.-Iuni

“O i tatou uma lava, tatou te naunau e vaai atu o loo ola fiafia ma taulau manuia a tatou fanau. O le ā sou taofi, o le ā le mea e sili ona manaʻomia e le fanau ina ia feagai ai ma lenei lalolagi faigatā? [Faatali mo se tali. Ona faitau lea o le Faataoto 22:6.] O loo talanoaina e le Ala Mai! lenei, mea e manaʻomia e le fanau, ma le auala e faataunuu ai e mātua nei manaʻoga.” [Suʻe i le itulau e 16.]