Le Tala e Fai Atu e Uiga i Mekasini

Le Olomatamata Iuni 1

“E lagona e nisi e faapea, e lē manaʻomia ona avea oe o se vaega o se lotu ina ia tapuaʻi ai i le Atua. Pe sa iai se manatu faapena iā te oe? [Faatali mo se tali.] O loo iloiloina i le mekasini lenei ia feutagaʻiga a le Atua ma tagata i aso ua mavae. O loo talanoaina ai foʻi po o le ā le uiga o le tapuaʻi i le Atua ma le faamaoni.” Faitau le Ioane 4:24.

Awake! Iuni 8

“E toʻatele tagata i aso nei ua oo iai lagona o le tuua toʻatasi. E aofia ai le lagona e faapea, e lē o amanaʻia o ia e isi tagata. Pe e te ioe o se mea e matuā tigā lenā mea? [Faatali mo se tali. Ona faitau lea o le Salamo 25:16.] Ua aumaia i lenei lomiga o le Awake! ia fautuaga aogā e faafetaiaʻia ai lagona o le tuua toʻatasi.”

Le Olomatamata Iuni 15

“Pe e te lē ioe ea o le toleniina o fanau i le lalolagi i aso nei ua avea o se luʻi? [Faatali mo se tali.] Mātau le faamautinoaga lenei faapea e mafai ona taulau manuia mātua. [Faitau le Faataoto 22:6.] O loo aumaia i lenei lomiga o Le Olomatamata fautuaga aogā e fesoasoani ai i mātua e faafetaiaʻia lenei luʻi.”

Ala Mai! Ape.-Iuni

“E toʻatele tagata ua faapea mai o Kerisiano o loo latou tapuaʻi i le Atua, e lē taumatea e faapena foʻi oe a ea? O le ā sou taofi, o ai le suafa o le Atua o loo e tapuaʻi i ai? [Faatali mo se tali.] Mātau mai faamolemole po o ai le suafa o le Atua lea o loo taʻua i le Ieremia 10:10. I lenei mekasini, o le a faamatala atu iā te oe po o ai o ia, ma aiseā e tāua ai le faaaogāina o lenei suafa.”