Le Tala e Fai Atu e Uiga i Mekasini

Le Olomatamata Sete. 1

“Ua faatupulaʻia le leai o se faamaoni i so o se matātā o le olaga e aofia ai ma faaipoipoga. Pe e te lagona o aogā pea fautuaga ma faalaeiauga a le Tusi Paia e faatatau i le faamaoni mo le sologa lelei o olaga faaleaiga? [Faatali mo se tali. Faitau le Mataio 19:5, 6.] O loo talanoaina i le mekasini lenei le auala e avea ai le faamaoni ma faavae mausalī mo faaipoipoga.” Itu. 3-7.

Ala Mai! Iulai-Sete.

“E ioe le toʻatele i le tele o le malosi faalenatura o loo maua mai le lā. E talitonu foʻi le toʻatele o tagata o le lā ua na o se tasi lea o fetu mai le anoanoaʻi o isi fetu, lea e tutusa lo latou malosi e pei o le lā. O le ā ua taʻu mai e lenei mea iā i tatou e faatatau i Lē na faia le lā? [Faatali mo se tali. Faitau le Isaia 40:26.] O loo talanoaina i le mekasini lenei le auala e maua mai ai le malosiaga. Ma o loo faailoa mai ai foʻi le Puna o malosiaga uma.” Itu. 31.

Le Olomatamata Sete. 15

“Ua anoanoaʻi talitonuga eseese e faatatau iā Iesu. Ae o le ā sou taofi, o ai Iesu, ma o le ā lona tupuaga mai? [Faatali mo se tali. Ona faitau lea o le Mataio 3:16, 17; Ioa. 8:23.] O loo faamatalaina i le mekasini lenei le manatu o le Tusi Paia i le tulaga moni o Iesu faapea ma lona tupuaga mai.” Itu. 4-6.

Ala Mai! Iulai-Sete.

“Ua iai se fefāloaʻiga o manatu o tagata i aso nei e faatatau i le faaipoipo o tagata o le itupā lava e tasi. O le ā sou taofi e tusa ai ma faaipoipoga faapena? [Faatali mo se tali. Faitau le Kenese 2:24.] O loo talanoaina i le mekasini lenei le faatulagaga a le Atua e tusa ai ma faaipoipoga, atoa ai ma fesoasoani ina ia maua se vaaiga saʻo e faatatau i lea mataupu.” Itu. 26-27.