Le Tala e Fai Atu e Uiga i Mekasini

Le Olomatamata Iuni 1

“I le tele o aganuu, sa iai le taimi sa feutagaʻi ai ma faaalia le faaaloalo po o le āva i tagata matutua, e pei ona vaaia i le tulafono anamua lenei. [Faitau le Levitiko 19:32.] Pe e te manatu o taatele pea lenā faaaloalo i aso nei? [Faatali mo se tali.] O loo iloiloina i le mekasini lenei le auala o loo tausia ai e le Atua ē matutua ma le auala e tatou te faia ai foʻi faapena.”

Ala Mai! Ape.-Iuni

“I lenei vaitaimi o faiga faatupu faalavelave i le lalolagi, ua matuā lagona ai lava e le toʻatele o tagata le popole. Pe e te manatu o le a iai se taimi e soifua ai tagata i se olaga fiafia i le lumanaʻi. [Faatali mo se tali. Ona faitau lea o le Faaaliga 21:4.] O loo faamatalaina i le mekasini lenei le auala a le Atua o le a aveesea ai mea leaga uma, e aofia ai ma faiga faatupu faalavelave.” Itu. 6-9.

Le Olomatamata Iuni 15

“Pe e te manatu e mafai ona tatou maua le fiafia e ui i faafitauli o loo tatou fesagaʻia? [Faatali mo se tali.] O loo tataʻi e le mekasini lenei manatu i le puna o taʻiala lea e fesoasoani iā i tatou e faafetaiaʻia ma le manuia luʻi o le olaga. O loo talanoaina ai foʻi le malosi e tumau ai ona o le faamoemoe moni o loo iai.” Faitau le Faaaliga 21:3, 4.

Ala Mai! Ape.-Iuni

“Ona ua aʻoaʻoina e le Tusi Paia faapea, e ao ona gauaʻi avā i tane, po o lona uiga ea la ua vaai faatauvaa ai le Tusi Paia i fafine? [Faatali mo se tali. Faitau le Efeso 5:21-25, 28, 29, 33.] O loo faamatalaina i le mekasini lenei le manatu masani o loo iai i tagata e faatatau i fafine ma lona faaeseesega ma le vaaiga a le Tusi Paia e faatatau iā i latou.” Itu. 18, 19.