Le Tala e Fai Atu e Uiga i Mekasini

Le Olomatamata Oke. 15

“Ona o le Atua o loo afio i le lagi, ua faapea mai ai nisi e lē mafai ona iloaina o ia. Pe na iai ni ou faalogona faapena? [Faatali mo se tali. Faitau le Ioane 17:3.] O loo faamatala mai i lenei mekasini pe faapefea ona tatou iloa le Atua.”

Ala Mai! Oke.-Tese.

“E taofi eseese le toʻatele o tagata i le mataupu o le uluaʻi agasala. O isi e manatu o faiga faaleituaiga, o le fua faasāina lenā. Ae o le ā sou manatu? [Faatali mo se tali. Faitau le Kenese 1:28.] O loo faamalamalamaina atili lenā mataupu i le itulau e 10 ma le 11 o lenei lomiga.”

Le Olomatamata Nove. 1

“E tele manatu feteenaʻi i le tausia aʻe o tamaiti i aso nei. Pe e te manatu e mafai ona maua e mātua ni fautuaga e maufaatuatuaina? [Faatali mo se tali. Faitau le Salamo 32:8.] O loo iai i lenei mekasini ni faatonuga aogā mai le Tusi Paia i le tausia aʻe o fanau.”

Ala Mai! Oke.-Tese.

“Atonu o se tasi o popolega sili o tagata i aso nei, o le lē mafai ona ʻalofia o le soifuaga matua, ae semanū o loo tele mea o loo naunau e fia faataunuu i le olaga. Ae o le ā sou manatu, faamata o le finagalo lea o le Atua, ia ola le tagata mo ni nai tausaga ona faasolo lea ina matua seʻia oo ina oti? [Faatali mo se tali. Faitau le Roma 5:12.] Ua faamatala mai i lenei mekasini le pogai o lenei faafitauli, faapea foʻi le folafolaga matagofie a le Atua mo le tagata i le lumanaʻi.” Itu. 3-9.