Le Tala e Fai Atu e Uiga i Mekasini

Le Olomatamata Oke. 15

“E toʻatele tagata e manatu i le lumanaʻi e lē mautonu, ma e sili ai le ola tau lava o le taimi nei. O le ā sou manatu? [Faatali mo se tali.] Seʻi mātau le faamatalaga na taʻua e Iesu. [Faitau le Mataio 6:34.] O loo faamatalaina e le mekasini lenei le auala e mafai ona fuafua ai mo le lumanaʻi, a o le taimi e tasi ia ʻalofia le popole tele i ai.”

Ala Mai! Oke.-Tese.

“Ou te fia iloa sou finagalo e faatatau i lenei fasi fuaitau. [Faitau le 1 Timoteo 6:10.] Pe e te manatu o i latou e ola mo le tupe ma le mauaina o le ʻoa, o le a oo ina pagatia? [Faatali mo se tali.] O loo faamatala i le itulau e 13 ma le 14 o le mekasini lenei aafiaga lē lelei o le saʻilia o le ʻoa.”

Le Olomatamata Nove. 1

“Pe faamata o le a faaleleia le tulaga o le lalolagi pe afai e faaalia e tagata le lotomaulalo? [Faatali mo se tali.] Mātau fetalaiga a Iesu e faatatau i lenei uiga. [Faitau le Mataio 23:12.] O loo talanoaina i le mekasini lenei le tāua o le lotomaulalo, e tusa lava po o vevesi lenei lalolagi.”

Ala Mai! Oke.-Tese.

“E toʻatele tagata i aso nei ua seāseā ona toe faalagolago i le Atua mo le taʻitaʻiga. Ae o le ā sou manatu i lea tulaga? [Faatali mo se tali. Ona faitau lea o le 2 Timoteo 3:16.] O loo taʻu mai e le mekasini lenei le tāua o le tuu atu i le Atua e na te taʻitaʻia i tatou i ana taʻiala o loo i le Tusi Paia.” Tagaʻi i le mataupu o loo i le itulau e 8.