Le Tala e Fai Atu e Uiga i Mekasini

Le Olomatamata Oke. 1

“Pe sa e fesili ea faapea, ‘Afai e alofa le Atua ma e silisili lona malosi, aiseā e lē faalaa ane ai o ia mo i latou o loo puapuagatia?’ [Tuu le avanoa mo se tali.] E lē o toe umi ona ia aumaia loa lea o le iʻuga i faafitauli uma. [Faitau le Isaia 65:17.] I le taimi nei, e lē faapea e na ona tagaʻi mai ma le lē manatu mamafa le Atua a o tatou mafatia, e pei ona faaalia i lenei mekasini.”

Ala Mai! Oke.-Tese.

“O le toʻatele o i tatou e iloa se tasi o loo maua i le maʻi suka. O le ā le tele o lou silafia i lenei gasegase? [Faaali le faavaa o le mekasini ma tuu le avanoa mo se tali.] Ua faamatalaina e lenei mekasini ia māfuaaga ma togafitiga o le maʻi suka. O loo talanoaina ai foʻi le folafolaga a le Tusi Paia i le vaifofō tumau mo gasegase uma.” Ia faaiʻu i le faitauina o le Isaia 33:24.

Le Olomatamata Oke. 15

“E telē se aafiaga o o tatou olaga i le mau filifiliga tatou te faia. O le ā e fesoasoani iā i tatou e ʻalofia ai le faia o ni filifiliga e lē atamai? [Faatali mo se tali. Ona faitau lea o le Faataoto 3:6.] E lima taʻiala faale-Tusi Paia o loo aumaia e le mekasini lenei o Le Olomatamata, e fesoasoani iā i tatou e faia ai ni filifiliga atamai.”

Awake! Oke. 22

“Po o e mātauina ea ua tele ina tatou faalogo i tala e uiga i siama ua lē ila i togafitiga faafomaʻi? [Faatali mo se tali.] O loo iloiloina e lenei mekasini māfuaaga o lenei tulaga, ma ua faailoa mai ai mea e mafai ona tatou faia e puipuia ai i tatou. O loo faamatalaina ai foʻi le folafolaga a le Tusi Paia i se lalolagi lea o tagata uma o le a soifua ai e leai se tasi e toe maʻi.” Faitau le Isaia 33:24.