Le Tala e Fai Atu e Uiga i Mekasini

Le Olomatamata Ianu. 15

“O le ā sou manatu, o fea e maua mai ai e ulugalii faaipoipo ni fautuaga maufaatuatuaina? [Faatali mo se tali.] O loo taʻua i inei Lē na amataina faaipoipoga. [Faitau le Kenese 2:22.] Na saunia foʻi e le Atua ia faatonuga i tiute tauave faamamaluina o le tane ma le avā. O nisi na o mea o loo faamatalaina i le mekasini lenei.”

Ala Mai! Ianu.-Mati

“O le toʻatele o tagata i aso nei e tele lo latou taimi e alu e matamata ai i le TV. O le ā sou manatu, faamata e ono avea le TV o se aʻoaʻo lilo iā i tatou? [Faatali mo se tali. Ona faitau lea o le Isaia 5:20.] E toʻatele tagata e lē o manatu i lea aafiaga. O loo faamatala atili e lenei mekasini aogā ma auala e pulea ai le matamata i le TV.”

Le Olomatamata Fepu. 1

“E te manatu e iai ni āuga lelei i lo tatou vaipanoa pe a ola tagata uma e tusa ma le manatu o loo taʻua i le mau lenei? [Faitau le Efeso 4:25. Ona faatali lea mo se tali.] E toʻatele tagata e manatu e iai taimi e lē afāina ai le pepelo. O loo faamalamalamaina i le mekasini lenei aogā o le tautala saʻo i taimi uma.”

Ala Mai! Ianu.-Mati

“E toʻatele tagata i aso nei ua taumānatu i le saogalemu o togafitiga e faaaogā ai le toto. Ae o le ā sou manatu. O le ā tonu le finagalo o le Atua i le faaaogāina o le toto? [Faatali mo se tali. Faitau le Galuega 15:29.] O loo faamatalaina i le lomiga lenei le silafaga a le Atua i le toto ma lona aogā.” Itu. 18-20.