Le Tala e Fai Atu e Uiga i Mekasini

Le Olomatamata Ianu. 1

“Ua faateteleina le amioleaga i aso nei. Pe e te silafia le māfuaaga? [Faatali mo se tali. Faitau le Salamo 51:5; Kenese 8:21.] O loo talanoaina i le mekasini lenei le pogai o le amioleaga, ma le auala o le a faaiʻuina ai.”

Ala Mai! Ianu.-Mati

“Ua faatumulia le soifuaga i aso faisoo i le fefe. O le ā sou lagona, faamata e iai se tasi o soifua i lenei lalolagi e mafai ona faapea mai, o loo saʻoloto mai le fefe? [Faatali mo se tali. Faitau le 2 Timoteo 3:1-3.] O loo faamatalaina i le mekasini lenei le taimi o le a saʻoloto atoatoa ai tagata mai le fefe ma le auala a le Atua o le a faataunuuina ai.”

Le Olomatamata Ianu. 15

“Ua loa taimi o tatou faalogo e faatatau i agelu. Pe na e taumānatu po o le ā la latou matafaioi o loo fai i le faatulagaga a le Atua? [Faatali mo se tali. Ona faitau lea o le Tanielu 7:10.] O loo faamatalaina i le lomiga lenei le matafaioi a agelu eseese i le faatulagaga a Ieova, ma le auala ua faamaopoopoina ai i latou e faataunuu lona finagalo, faapea ma le auala ua taaʻina ai o tatou olaga e agelu.”

Ala Mai! Ianu.-Mati

“Ua taumafai le toʻatele o tagata o loo iai le faafitauli o le inu tele i le ʻava malosi, e saʻili se vaifofō mo lea faafitauli. O le ā sou taofi, e faapefea ona maua e tagata se fesoasoani mo lenei faafitauli? [Faatali mo se tali. Ona faitau lea o le Filipi 4:6-7.] O loo talanoaina i le lomiga lenei fesoasoani e mafai ona maua e i latou o loo iai lenei faafitauli.” Itu. 28-30.