Taulimaga o Mekasini

Le Olomatamata Ianu. 1

“O le ā sou manatu i le mau lea o le a faitau atu.[Faitau le Iakopo 3:2.] O loo iai ni manatu aogā mai le Tusi Paia i lenei mekasini, e ʻalofia ai le faia o upu e faatigā ai i o tatou aiga.” Faaali i ai le mataupu o loo i le itulau e 10.

Ala Mai! Ianu.-Mati

“Pe e te manatu ua sili atu le lamatia o fanau i aso nei nai lo aso ua mavae? [Faatali mo se tali.] E toʻatele ua manatu o loo tatou ola i le vaitaimi o loo taʻua i le mau lenei. [Faitau le 2 Timoteo 3:1-5.] E maua fautuaga aogā mai lenei mekasini i le auala e puipuia ai e mātua a latou fanau mai ē faalegaina tamaiti.”

Le Olomatamata Fepu. 1

“O le ā sou manatu, pe e mafai ona tatou maua le filemu o le mafaufau e ui ina tele faafitauli i aso nei? [Faatali mo se tali.] O le manatunatu i le faamoemoe mo le lumanaʻi o loo i le Tusi Paia, ua aogā i le toʻatele. [Faitau se mau o loo taʻua po o loo siina mai i le mataupu ua e filifilia.] Ua faailoa mai e lenei mekasini le tala a le Tusi Paia i le amataga mai o le tagata, le fuafuaga o le olaga, ma le faamoemoe i le lumanaʻi.”

Ala Mai! Ianu.-Mati

Pe a e feiloaʻi ma se talavou, atonu e te faapea atu: “E toʻatele talavou ua āfaina ona o tala taufaaleaga. Po ua tupu lenā mea iā te oe? [Faatali mo se tali.] O loo maua i le Tusi Paia ni fautuaga aogā, pe afai ua tupu lea mea iā i tatou. O loo taʻu mai ai foʻi le auala e tatou te ʻalofia ai le faia o tala taufaaleaga.” Faaali i ai le mataupu i le itulau e 12, ma faitau se mau mai i lenā mataupu.