Tusi Mai le Ofisa

Mo le ʻAu Talaʻi Pele:

Maeʻu lo tatou olioli i le molimauina o le agaʻigaʻi i luma o le galuega i le oganuu a le ofisa i Samoa, a o faagasolo le tausaga faaleauaunaga o le 2007! A o faagasolo Mati ma Aperila, e toʻa 114 i latou na paeonia lagolago i na masina. E toetoe 40,000 kopi o le Tala o le Malo Nu. 37, na tufatufa atu i tagata i Samoa ma Amerika Samoa. Sa faateleina e vaega faa-Peretania i motu uma e lua a latou oganuu, ina ia mafai ai ona talaʻi atu i tagata e tautatala i isi gagana e ese mai le gagana Samoa. Tatou te fiafia foʻi e faafeiloaʻia nisi misionare se toʻalua ua tofia mai Ausetalia, ina ia galulue i Savaii.

E toetoe lava 51 miliona kopi o le Tala o le Malo Nu. 37, “Ua i Faitotoʻa le Iʻuga o Lotu Sesē!” na tufatufaina i le oganuu atoa a le lālā i le Iunaite Setete. Sa lē manofo se tuafafine ua leva e lē o toe talaʻi ina ua ia maua ma faitau i se kopi o le sāvali. I le Aso Sa na sosoo ai, na ia auai i le sauniga ma talosagaina se suʻesuʻega faale-Tusi Paia. Na faaaogā e tagata fiafia le kuponi i le pito i tua o le Tala o le Malo ma talosaga ai ni polosiua e 2,286 Ia Faaauau Ona Mataala! ma ni suʻesuʻega faale-Tusi Paia e 1,087.

O le fuafuaga o nei tauiviga, ina ia fesoasoani i ē loto faamaoni ia iloa aʻoaʻoga moni a le Tusi Paia. (Mata. 28:19, 20) Ia manatua a o e talaʻi, ia mātau ē faaalia le fiafia, ma ia toe foʻi atu ma le sini ia amata se suʻesuʻega faale-Tusi Paia. Matou te fiafia e galulue soosootauʻau ma outou i lenei galuega tāua, ma e momoli atu o matou alofaaga māfana faa-Kerisiano.

O outou uso,

Ofisa i Samoa