Le Tala e Fai Atu e Uiga i Mekasini

Le Olomatamata Oke. 1

“E tatou te moomoo uma lava i na oo maia le iʻuga o soligatulafono, sauā, ma taua. Pe e te manatu ea o le a tatou vāai i le faataunuuga o upu nei? [Faitau le Salamo 37:11. Ona faatali lea mo se tali.] O loo talanoaina i le mekasini lenei le auala o loo fesootaʻi atu ai lenei folafolaga i le uluaʻi fuafuaga a le Atua mo tagata ma le auala e fai ai sa tatou vaega i le faataunuuina.”

Ala Mai! Oke.-Tese.

“Ua matuā maoaʻe le agaʻigaʻi i luma o le poto faasaienisi i le saʻilia o auala e foʻia ai faamaʻi, ae pe e te manatu o le a tatou maua se lalolagi o le a leai atoatoa ni faamaʻi? [Faatali mo se tali.] Ua faamatalaina i lenei mekasini e faapea, o le a oo mai le aso o le a olioli uma ai tagata i le lalolagi i le soifua mālōlōina lelei atoatoa e faataunuuina ai lenei folafolaga.” Faitau le Isaia 33:24.

Le Olomatamata Oke. 15

“Ua talitonu nisi tagata faapea o le tele o tupe latou te maua, o le tele foʻi lea o le faamalieina i le olaga. Pe e te talitonu e saʻo lenā manatu? [Faatali mo se tali.] Mātau le faamatalaga a se tane sa tele le tamaoaiga na iā te ia. [Faitau le Failauga 5:10.] O loo faamatalaina i le mekasini lenei aogā e sili atu i lo le tamaoaiga faaletino.”

Awake! Oke. 22

“E toʻatele tagata ua latou iloa le tāua o le toleniina o tamaiti mai lava o laiti. Po o e silafia ea le manaʻomia o le faia faapea i aso nei? [Faatali mo se tali. Ona faitau lea o le Faataoto 22:6.] O loo faamatalaina i le lomiga lenei o le Awake! mea patino e fai e mātua e fesoasoani ai i a latou fanau e tutupu aʻe ai e avea ma tagata faamaoni ma taulau manuia i le olaga.”