O se Tauiviga Sili o Loo Faia i le Lalolagi!
Ua silia i le 100 tausaga o faatulaga e Molimau a Ieova le tufaina atu o le tala lelei. (1 Kori. 9:23) Ua tatou tufa atu lenei feʻau i le tele o gagana e ala i se tauiviga sili o loo faia i le lalolagi. Ma ua oo atu lenei feʻau i le silia ma le 230 atunuu. (Mata. 24:14) Ae aiseā e tāua ai lenei galuega? O faapefea ona faia lenei galuega i le lalolagi atoa?
O le a taliina e le vitiō Jehovah’s Witnesses—Organized to Share the Good News ia na fesili, e ala i se vaaiga i le tele o vala o la tatou galuega faavaomalo. A o e matamata i ai, seʻi manatu i fesili nei: (1) E faapefea ona faagaoioia ma faatonutonuina la tatou galuega. (2) E faapefea e le Auaunaga o Galuega Faaliliu, Tusitusiga, o le Tusiata, ma Matagaluega o le Auaunaga i Kaseti ma Vitiō, ona faia so latou sao i le faalauiloaina o le tala lelei? (3) O le ā le fuafuaga o galuega tau lomitusi ma le felaʻuaʻiga o lomiga ma tusi? (4) E fia le aofaʻi o tusi e lomia i tausaga taʻitasi? (5) O le ā se mea ua mafai ona faataunuu e a tatou lomiga faale-Tusi Paia? (Epe. 4:12) (6) O le ā se fesoasoani faaleagaga ua faia mo ē tauaso ma logonoa? (7) E faapefea ona faatupe la tatou galuega? (8) E faapefea ona aogā iā i tatou galuega mai le Auaunaga o Faamatalaga Faafomaʻi, le Matagaluega o Auaunaga, ma le Matagaluega o Tauaofiaga? (9) I le avea ai ma Molimau a Ieova, e faapefea ona faatupuina lou malamalama ma le faafetai mo (a) taumafaiga o loo faia e le faalapotopotoga a Ieova ina ia talaʻia le tala lelei? (e) le sili atu i le 100 aiga Peteli i le lalolagi? (i) toleniga tauaʻoaʻoga ua saunia mo ovasia ma misionare? (o) le tāua o le amataina o le aso i le mau mai le Tusi Paia ma sauniuni mo sauniga a le faapotopotoga i vaiaso taʻitasi? (u) le aogā o le auai i aufaatasiga faa-Kerisiano? (f) le uiga o le oo mai o le Parataiso? (Isa. 11:9) (g) le faia o se sao i le galuega o le aoaoina o loo faagasolo pea?—Ioa. 4:35.
O le ā se iʻuga fiafia ua e vaaia ina ua faaalia lenei vitiō i ou tauaiga, o uō ma ē masani, o toe asiga ma tagata suʻesuʻe o le Tusi Paia? Aiseā e lē faaali atu ai loa lenei ata ma talaʻi atu le tala lelei i se tasi?—Mata. 28:19, 20.