Molimau a Ieova—Faamaopoopo ina ia Folafola Atu le Tala lelei
Ua silia ma le 100 tausaga, talu ona faamaopoopo Molimau a Ieova e folafola atu le tala lelei. O le mea lea, ua avea ai ma tauiviga tele le talaʻiga e pei ona lauiloa e le lalolagi, e tatou te talaʻi atu lenei feʻau i le tele o gagana ma e silia i le 230 atunuu. (Mata. 24:14) Aiseā e tāua ai lenei galuega? O faapefea ona faamaopoopoina i le lalolagi aoao? E taliina e le ata vitiō Jehovah’s Witnesses—Organized to Share the Good News nei fesili, e ala i le faamatalaina mai o la tatou galuega o loo faia i le lalolagi aoao. Pe a māeʻa ona matamata le vitiō, ia tali fesili o loo mulimuli mai.
E faapefea ona e malamalama ma maua le lototalisapaia ona o lenei vitiō (1) i taumafaiga o loo faia e le faalapotopotoga a Ieova ina ia folafola atu le feʻau? (2 Timo. 4:2) (2) le aiga Peteli i le lalolagi aoao? (3) le toleniga tau aʻoaʻoga lea ua saunia mo misionare ma ovasia? (2 Timo. 2:2) (4) le tāua o le amataina o aso taʻitasi i le iloiloina o le Tusi Paia, ma sauniuni mo sauniga a le faapotopotoga i vaiaso taʻitasi? (Galu. 17:11) (5) le aogā o le auai i sauniga faa-Kerisiano? (Epe. 10:24, 25) (6) faamanuiaga o le a maua pe a toe faafouina le lalolagi? (Isa. 11:9) (7) le faaeaga ua e maua i le faia o se sao i le galuega o le seleselega o loo faaauau pea?—Ioa. 4:35.
O lenei vitiō ua faamaonia o se meafaigaluega mo i latou e faaalia le naunau fiafia, i le galuega o loo faia e Molimau a Ieova i le lalolagi aoao. (8) O le ā le taimi lelei e faaali atu ai lenei vitiō i au tagata aʻoga o le Tusi Paia, tauaiga, ma isi? (9) E faapefea ona tali mai tagata ina ua e faaali atu iā i latou?
A o tatou faaali atu mea o loo faataunuuina e Ieova, ua faagaeeina ai i tatou i faamatalaga a le faisalamo e faapea: “E tele lava mea ua e faia, Ieova e, loʻu Atua, e oo lava i au galuega ofoofogia ma ou manatunatuga iā i matou; E leai se isi e faatusaina iā te oe.” (Sala. 40:5) Tau ina ia tatou faaaogā lelei lenei vitiō, e fesoasoani ai i isi e atiaʻe le lototalisapaia mo Ieova, ma lana faalapotopotoga!