“Ofo se Mekasini Tuai po o se Polosiua e Fiafia i ai le Tagata”

A o faagasolo le masina, o le a tatou ofo ai le tusi o le Aʻoaʻoga Moni ma se suʻesuʻega faale-Tusi Paia i le uluaʻi asiasiga, ma ua faalaeiauina i tatou e “ofo se mekasini tuai po o se polosiua e fiafia i ai le tagata,” pe afai ua iai sana tusi ma e na te lē taliaina se suʻesuʻega. Aiseā?

O polosiua ma mekasini tuai, o loo iai le tele o mataupu talafeagai. Atonu o loo iai se mataupu i na lomiga e pāʻia ai le loto o lē e ona le fale. O lea la, a o tapena lau ato talaʻi, ia tuu i ai ni polosiua eseese ma ni lomiga tuai. Afai e lē o iai ni au mekasini tuai, atonu e mafai ona maua mai i le potu o mekasini. Ma afai ua iai se tusi o le Aʻoaʻoga Moni a lē e ona le fale ma e lē manaʻo e talia se suʻesuʻega faale-Tusi Paia, e mafai ona faaali atu iai mekasini po o polosiua, ma fai i ai e ave ni ana lomiga e fiafia i ai. A uma, fai se fuafuaga e toe foʻi mai ma atiaʻe lona naunau. Atonu o le a fai ai sana suʻesuʻega faale-Tusi Paia.