Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Setema

“E tatalo i aso uma tagata o atunuu ma talitonuga eseese uma. Pe e te manatu o loo faafofoga ma tali mai le Atua i a latou tatalo uma?” Faatali mo se tali. Ona tuu lea i ai o se kopi o le Olomatamata o Setema 1, ma talanoa faatasi le mataupu i lalo o le ulutala muamua i le itulau e 16, ma se mau se tasi o loo sii mai. Ofo mekasini, ma faia se fuafuaga e toe foʻi atu ma talanoa i le isi fesili.

Le Olomatamata Setema 1

Faaali i ai le faavaa o le mekasini ma fesili atu: “O le ā sau tali i le fesili lenei? [Faatali mo se tali.] Mātau le faamatalaga a le Tusi Paia. [Faitau le 1 Ioane 5:19.] E tusa ai ma lenei faamatalaga, o “lē o loo leaga,” po o le Tiapolo, o loo pulea le lalolagi. Ae ua tulaʻi mai ai ni fesili. O fea na tupuga mai ai le Tiapolo? Po o se peresona moni o ia? O le ā le umi e faataga ai e le Atua o ia e pule? Ua faaalia i lenei mekasini mea o loo fai mai ai le Tusi Paia.”

Ala Mai! Setema

“E foliga mai e toatele ua fiafia e matamata i ata o tagata e mimitiina le toto, ma ituaiga esesese o faiga faataulaitu. Pe e te manatu e le afaina le faia o ni faiga faataulaitu? [Faatali mo se tali.] Maitau mai le lapataʻiga na tuu atu e le Atua i le nuu o Isaraelu. [Faitau le Teuteronome 18:10-12.] O loo faamatala i le mekasini lenei po o a fa a le Tusi Paia e uiga i faiga faataulaitu.”