Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Setema

“E talitonu le toʻatele e iai le aso o le a faamasino ai i latou e le Atua e tusa ai ma a latou galuega. Pe e te manatu i le Aso Faamasino o se aso e tepa taulaʻi i ai pe e gatete ai? [Faatali mo se tali.] Seʻi mātau mai le manatu lenei.” Tuu atu i lē e ona le fale Le Olomatamata o Setema 1, ma talanoa faatasi manatu i lalo o le tamaʻi ulutala muamua i le itulau e 16 ma se mau se tasi. Ofo mekasini ma fai se fuafuaga e toe foʻi e talanoa le fesili e sosoo ai.

Le Olomatamata Setema 1

“I le tele o vaega o le lalolagi, o loo mafatia ai fafine i le faailogaina ma le faileagaina. O le itu e faanoanoa ai, o loo iai se vaega a talitonuga faalelotu i lenei tulaga. O le ā sou iloa, po o manatu mamafa moni mai le Atua i fafine? [Faatali mo se tali.] Mātau le auala o loo faatonuina ai i le Tusi Paia tane ina ia feutagaʻi ai ma a latou avā. [Faitau le Efeso 5:28, 29.] O loo faamatalaina i lenei mekasini le silafaga a le Atua e faatatau i fafine.”

Ala Mai! Iulai-Setema

“E toʻatele tagata e talitonu faapea o ē ua maliliu, e mafai ona iai ni taaʻiga i ē o loo ola. O nisi e fefefe i ē ua maliliu e tusa lava po o nisi sa pele iā i latou. Ae o le ā sou manatu? [Faatali mo se tali.] Seʻi oʻu faaali atu iā te oe le faamatalaga a le Tusi Paia e uiga i lenei mataupu. [Faitau le Failauga 9:5.] Mātau mai, o loo taʻua i le mau o le tagata ua oti ua lē toe iloa se mea, e pei lava o se tagata ua moegase.” Ofo le mekasini ma faamatilatila le mataupu i le itulau e 26.