O se Tasi o Auala e Faaaogā ai le Polosiua o le Bibleʻs Message
E toʻatele tagata i la tatou oganuu e lē masani i le Tusi Paia, aemaise lava i latou e lē o ni tagata lotu Kerisiano. Pe a tatou suʻesuʻe ma na tagata i le tusi o le Aʻoaʻoga Moni a le Tusi Paia, o nisi tagata talaʻi e latou te faaaogā foʻi le polosiua o le Bibleʻs Message, ina ia fesoasoani i a latou tagata aʻoga e maua le vaaiga atoa o le Tusi Paia. Mo se faaaʻoaʻoga, na faaaogā e se uso le vaega 1 o le polosiua ina ua ia talanoaina le mataupu e 3 o le tusi Aʻoaʻoga Moni. Mulimuli ane, na faaauau ona ia talanoaina isi vaega o le polosiua i faaiʻuga o suʻesuʻega taʻitasi. Po o oulua suʻesuʻe ma se tasi e itiiti pe e leai foʻi sona iloa o le Tusi Paia? Ina ia fesoasoani iā te ia e aʻoaʻoina ʻtusitusiga paia lea e mafai ona faapotoina ai mo le faaolataga,’ taumafai e faaaogā mataupu o loo i le tusi Aʻoaʻoga Moni o le Tusi Paia faatasi ai ma le polosiua o le Bibleʻs Message.—2 Timo. 3:15.