Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Novema

“Pe e te manatu e sili atu ona fiafia tagata o loo taumafai e usiusitaʻi i le Atua? [Faatali mo se tali.] O loo taʻua i lenei mataupu ni vala mataʻina.” Ofo atu i lē e ona le fale se kopi o Le Olomatamata o Novema 1, faitau ma talanoa faatasi se mataupu i lalo o se ulutala i le itulau e 16-17. Faitau se mau se tasi. Ofo le mekasini ma fuafua e toe foʻi atu e asi ma talanoa le tali o le isi fesili.

Le Olomatamata Novema 1

“Ua manatu nisi, ua lē o toe aogā i aso nei ma ua faasāsā naʻuā le Tusi Paia e faatatau i feusuaʻiga. A o isi e ioe iai i manatu o le Tusi Paia. O le ā sou manatu? [Faatali mo se tali.] Seʻi mātau po o fea e puna mai ai tapulaa o le Tusi Paia. [Faitau le 2 Timoteo 3:16.] O loo faaalia i lenei mekasini le auala o loo tali ai e le Tusi Paia fesili masani e sefulu e faatatau i feusuaʻiga. O loo faamatala ai foʻi pe e faapefea ona aogā iā i tatou tapulaa a le Tusi Paia.”

Ala Mai! Oketopa-Tesema

“Ia taʻua se faalavelave mataʻutia o loo aumaia i tala fou. Ia fesili atu: “Aiseā ua lē taofia ai e le Atua mea leaga o loo tutupu? [Faatali mo se tali.] E tusa ai ma le Tusi Paia, e tigā alofa mai le Atua i ē o loo mafatia. [Faitau le Esoto 3:7.] Ua taʻua foʻi i le Tusi Paia le māfuaaga ua lē taofia ai e le Atua mafatiaga, ma e lē o toe umi ona ia faaiʻuina lea e faavavau. O le a faamatala atili i lenei mekasini e uiga i lenā mataupu.”