Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Tesema

“Ou te talitonu e te ioe faatasi ma aʻu, e manaʻomia e tagata uma ni uō. O le ā se uiga e sili ona tāua iā te oe mai se uō? [Faatali mo se tali.] Mātau le faamatalaga i inei e faatatau i le māfuaaga e tatau ai ona filifili lelei a tatou uō.” Ofo atu i lē e ona le fale se kopi o Le Olomatamata o Tesema 1, faitau ma talanoa faatasi se mataupu i lalo o se ulutala i le itulau e 16. Faitau se mau se tasi. Ofo le mekasini ma fuafua e toe foʻi atu e asi ma talanoa le tali o le isi fesili.

Le Olomatamata Tesema 1

“Pe sa iai se taimi sa e tomānatu ai pe aiseā ua tele ai mala faalenatura i nei aso? [Faatali mo se tali.] Mātau, na valoia mai e le Tusi Paia o le a faailogaina se taimi i mala faalenatura. [Faitau le Mataio 24:7, 8.] O loo iai i lenei mekasini tali o fesili nei: Aiseā ua tele ai mala faalenatura i aso nei? Po o se faasalaga mai i le Atua? O ā māfuaaga e tatou te talitonu ai, e lē o toe mamao ae faamutaina e le Atua mala faalenatura?”

Ala Mai! Oketopa-Tesema

“E toʻatele talavou i aso nei ua matuā aafia i polokalame o masini faaonapōnei e pei o le Initaneti. O le ā sou manatu? [Faatali mo se tali.] Mātau le fautuaga lenei a le Tusi Paia. [Faitau le Efeso 5:15, 16.] O le a talanoaina i lenei mekasini po o le ā e tatau ona tatou iloa e uiga i le faaaogāina o le Initaneti. O le a faamatala ai foʻi ni laasaga e mafai ona faia e talavou ina ia pulea lelei ai lona taimi, ma faaaogā ai ma le atamai nei masini faaonapōnei.”