Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Mati

“O le toʻatele o tagata e latou te faamanatuina le aso fanau o Iesu, ae pe e te manatu e tāua ona manatuaina le aso na maliu ai Iesu?” Faatali mo se tali. Ona ofo lea i lē e ona le fale Le Olomatamata o Mati 1, ma talanoa faatasi manatu i lalo o le tamaʻi ulutala muamua i le itulau e 16, ma se mau se tasi. Ia fai se fuafuaga e toe foʻi atu e talanoa le fesili e sosoo ai.

Le Olomatamata Mati 1

“E anoanoaʻi tapuaʻiga ma lotu ma e eseese talitonuga ma faiga faatapuaʻiga. Pe e te manatu o tagata uma e faapea mai o Kerisiano o ni Kerisiano moni? [Faatali mo se tali.] E tusa ai ma fetalaiga a Iesu, o se tasi lenei o faailoga e iloa ai Kerisiano moni. [Faitau le Ioane 13:34, 35.] O loo talanoaina i lenei mekasini fetalaiga e lima a Iesu e fesoasoani iā i tatou ina ia iloa ai ona soo moni.”

Ala Mai! Ianuari-Mati

“E toʻatele talavou ua ola i se olaga e aunoa ma ni tapulaa, ma ua faigofie ona faasesēina i uiga leaga o lenei lalolagi. E faapefea ona e puipuia lau tama mai i le ola i se olaga faapena? [Faatali mo se tali.] O se tasi lenei o mea tāua ia faamautinoa ua iai i lau tama. [Faitau le 1 Korinito 14:20.] O loo talanoaina i lenei mekasini i le mataupu o loo i le itulau e 16, ni taʻiala tāua faale-Tusi Paia se tolu, ina ia e taulau ai i le sauniunia o lau tama e avea ma tagata matua.”